Xitay Torbetiliridiki ”Uyghur Choshqilarni Öltürgen Qehrimanlar Yashisun” Pashist Shuaarigha Reddiye

Guangdong ölkiside yüz bergen Uyghur ishchilarni urush we öltürüshtek qanliq weqe yüz bergen bolup, weqening perde arqisidiki bash pilanlighuchisi Uyghurlargha öchmenlik qilidighan we yaman neziri bilen qaraydighan milletchi showinist Xitaylardur. Bu weqe yüz bergendin kéyin pütün Sherqiy Türkistandiki eziz wetendashlirimiz we weten sirtidiki Sherqiy Türkistanliq qérindashlirimiz chongqur qayghu we musibetke chökti. Uyghur xelqining kommunist Xitayning zulumi we qanxor mustemlikichilik siyasitining basturushigha uchurghan qan yashliq tarixning untulmas shahidi süpitide bu échinishliq pajiemu tarix bétige yézilidu. Pütün Uyghur xelqi weqede bihude ölüpketken qérindashlar üchün matem tutuwatqan peyitte Xitay torbetliridiki Uyghurlargha qaritilgahn kemsitish we haqaretlesh xaraktirdiki bes munazirler ewij élip ketken, Xitay tor betidiki “Uyghur choshqilarni öltürgen qehrimanlirimiz yashisun” digen bu bir jumle söz kishining alahide diqqitini tartidu.

Bu yil kirgendin buyan wetendin türlük köngülsiz xewerler birining keynidin biri kélishke bashlidi. Yeni Qeshqer qedimy shehrining mejbori chéqiwetilishi, Yeken nahiyiside yüz bergen 23 neper Uyghur nasiride qiz oqughuchigha bir Xitay oqutquchining basqunchiliq qilish weqesi we buweqening sewebi jeryani hem netijisining keng xelliqtin sir tutulushi, hem nechche künning aldidila Guangdung ölkisi Xiaoguan shehridiki qochaq yasash zawutida yüz bergen Uyghur ishchilarni urup öltürüsh weqesi digendek türlük paejeler we tiragidiyiler toxtimay yüz bermekte. Xelqimizning bu qétimqi béshigha kelgen bu paje, milliy zulum we irqiy kemsitish we chong Xitaychiliq idiyisining neqeder éghirliship ketkenlikini, Uyghur xelqning Sherqiy Türkistandila emes belki Xitayning pütün ziminida milliy kemsitish we xorlashqa uchrawatqanliqini roshen körsütüp berdi.

Weqe yüz bergendin kéyin Xitayning tor betliride tayaq yep naheq ölüp ketken we éghir derijide yarlanghan Uyghurlargha ich aghritish uyaqta tursun ekische milletchi radikal Xitaylar Uyghurlargha haqaret qilip we Uyghurlarni kemsitip Uyghur xelqning jarahet yarilirigha tuz sepken. Hetta Uyghurlargha til tekküzüp ”Uyghur choshqilarni öltürgen qérimanlar yashisun” digendek shuarlarni yézip özlirining chékidin ashqan radikal showinist Xitay ikenlikini ashkarlighan. Uyghur xelqi kommunist Xitay Sherqiy Türkistangha tajawuz qilip bésiwalgahndin kéyin, Uyghur xelqige qaritilghan milliy kemsitish we basturush herkiti ezeldin uzulup qalghini yoq. Mustemlikichi Xitay hakimiyiti Xitay merkizi hökümitining Sherqiy Türkistangha qaratqan mustemlikichilik siyasitini aktip ijra qilish bilen qalmastin yene atalmish “Xinjinagning yerlik siyasiti we qanunliirni“ turghuzup, Uyghur xelqige bolghan bésimni téximu kücheytti. Milliy zulum hessilep éship bardi. Xitay dölet küchining éshishigha egiship ilgiri körülmigen, Uyghur xotun qizlirini mejburi bulang - talang qilish, Uyghur yashlirini ichikiri ölkilerge sürgün qilip ularni türlük usullar bilen ekispalatasiye qilish, Uyghur xelqning milliy örpi - adetliri we diniy étiqadini depsende qilish, milliy medeiniyitini hem til yéziqini yoqutush eng axirda milliy mewjutluqni yoqutush meqset qilinghan atalmish “qosh tilliq oqutush” siyasitini küchep yolgha qoyush, Uyghurlarni ish orunlirida kemsitip ishsiz qaldurush we Uyghur xelqini téximu gaday we namrat heletke qaldurup, axirda Xitay köchmenlirige qul qilip tutup bérish, téxi yéqinda yuz bergen Yeken nahiyisidiki 23 neper Uyghur nasiride qiz gha Xitay oqutquchining basqunchiliq qilip weqening adil bir terep qilinmigahnliqi, hem Qeshqer qedemiy shehrining ghaljirlarche chéqip tashlinishi qatarliq kishini chuchutqudek weqeler keyni keynidin yüz bérip xelqimizde milliy kirzis tuyghusini téximu kücheytti.

Weqe yüz bergendin kéyin barliq Uyghur torbetliridiki Uyghur tor heweskerliri bes bes bilen özlirining bash süretlirini almashturup millietchi radikal Xitaylar terpidin naheq urup öltürülgen Uyghur qérindashlargha matem tutti. Pütün Sherqiy Türkistan qayghugha chömdi. Weten ichi we sirtidiki Uyghur xelqi bu qétimqi milliy irqiy kemsitish xaraktirdiki bu qétimqi weqedin qattiq chuchidi we nepretlendi. Millietchi Xitayalargha bolghan ghezep nepriti qaynap tashti. Nöwette Xitay merkizi hökümiti bu qétimqi weqeni yeng ichide bir terep qiliwetishke urunmaqta. Biraq bu qétimqi bu pajeni Uyghur xelqi menggé untup qalmaydu. Uni ghezeip nepret ichide eslep turdu. Ölgen Uyghur qérindashlirimizning qéni hergiz bikar aqmaydu. Mustemlikichi Xitay hökümiti barliq pajelerge jawapkar bolidu. xelqimizni depsende qilghan Xitay millitechiliri haman bir küni tigishlik jazasini tartidu.