Uyghurlar Térorchimu?

Térorchi digen bu söz her qandaq ademni angliganda nahayiti biaram qiludu. Hem derhal köz aldigha qolida qoral kötürwalghan, bigunah puxralargha we ayallar balilargha hujum qilghan, hemme jay yarlanghanalar ölgenler bilen tolup ketken qorqunushluq bir menzire shekilindu. Élbette “térorrrizim nuqul halda bir billet bir din we yaki bir dölet xelqige qaritilghan emes, belki u türlük siyasi iqtisadiy we yaki bashqa muddalar bilen bigunah puqralarni hujum nishani qilish we bu arqiliq jemiyette qorqunush peyda qilip, hökümetke bésim peyda qilip özining muddasigha yitidighan bir türküm kishilerni körsitidu.

Xitay mustemlikichi hökümiti Sherqiy Türkistanda özingizni musteqilliqi we azatliqi üchün tohtimay küresh qilip kéliwatqan Uyghur xelqini deslepte ,kommunist Xitayda ishlitish umumliship ketken atalghu” eksil inqilapchi” dighen tohemt bilen jinayet artip ölümge boyrighan bolsa, yéqinqi zamanlardin buyan “térorrchi digen tohmet bilen hedep qirghinchiliq élip barmaqta. Bolupmu Amerikida yüzbergen 11 - sintebir weqesidin kéyin xelqarada peyda bolghan térorluqqa qarshi herketning chong shamiligha egiship, Uyghur xelqige qaratqan irqiy qirghinchiliqni kücheytip kelmekte. Xitayning yéngidin tüzütüsh kirgüzülgen qanunlirida “eksil inqilapchi” digen bu atalghu ishlitishtin qalduruldi. Buning bilen Xitay mustemlikichi hakimiyiti, öz xelqining azatliqi hörliki üchün küresh qiliwatqan Uyghur erkinlik jangchilirini “térorrchi digen nam bilen atap we buni pütün dunyagha hedep tashwiq qilip, Uyghur xelqining milliy azatliq küreshlirge zerbe bérip uni ujuqturwetmekchi bolghan.

Amrikida yüzbergen 11-sentebir térorluq hujumidin kéyin, Xitay pütün duyada térorrluqqa qarshi jang boliwatqan chong yaxshi weziyetni özige purset dep bilip, özwetinining hörliki we azatliqi üchün toxtimay köresh qilip kéliwatqan Uyghur xelqini “térorchi “dep jakarlash bilen bir waqitta Uyghur xelqige bolghan irqiy tazlash herkitini kücheytip, milliy musteqilliq herketlirimizni tel - töküs basturwétish gherizide bolghan.

Sherqiy Türkistangha nezer saldighan bolsaq Sherqiy Türkistanning weziyitining tolimu jiddiy ikenlikini bayqaymiz. Undaqta bu xil jiddiylikni peyda qilghuchilar kimler? Bu del Xitay mustamlikichi hakimiyitining Sherqiy Türkistanda künséri jiddiyleshtüriwatqan Uyghur xelqining milliy kimlikini yoqutush Xitaylashturush asmilatsiye qilish herkitining we shundaqla Sherqiy tukistanning esli yerliq xelqi bilen Xitay köchmenlir we Xitay mutabit hakimiyiti otturisidiki zulum sélish zulum sélishqa qarshi yorutush, irqiy kemsitish irqiy kemsitishke qarshi turush, qanliq basturush we qanliq basturushqa qarshi turushtin ibaret bu pajelik weqelerni peyda qilghuchi mustamlikichi hakimiyettin ibaret.

Sherqiy Türkistandiki heqiqiy térorrchilar özlirining qanunluq heq hoqoqlirini qolgha keltürüsh, kommunist Xityning tömür tapini astida ézilwatqan wetanning musteqilliqini qogha keltürüp, xelqni démokratiyige hörlükke érishtürüsh üchün küresh qiliwatqan Uyghur xelqi bolmastin belki, 60 yildin buyan Sherqiy Türkistan xelqini depsende qilip, namda bar emelde yoq quruq aptonomiye bilen xelqni aldap, Uyghur xelqini asmilatsiye qilip yoqitiwétishni künséri jiddiyleshturwatqan, Uyghur xelqi üstidin türlük zulumlarni sélip, xelqni kötürüp qopqusiz azap oqubetlerge duchar qilghan,turluk bahane sewepler bilen bigunah kishilerni tutqun qilip ularni qarangghu türmilerde qiynap öltürwatqan, we shundaqla kishilerni yashash erkinliki söz erkinlikidin ayrip tashlap haywan kebi yashashwa mejbur qiliwatqan mustemlikichi hakimiyet we uning qanxor emeldarlidur.

Xitay xelqara jemiyette Uyghur xelqini térorchi körsitishke tirishwatqan bolsimu biraq Xitayning bu qara niyiti hergiz emelge ashmaydu.aldaletni heqqaniyetbi demokratiyini yaqilighuchi dunya xelqi Uyghur xelqi terepte turup, Uyghur xelqining erkinlikke barawerlikke démokratiyige érishish yoldiki küreshlirini qollaydu.kommunist Xitayning Uyghur xelqige séliwatqan zulumlirining mahiyitini barghanséri tonup yétip, Uyghur xelqining ahu peryadi dert hesritige qulaq sélip, diqqte étibarini mustamlike qilinip intayin éghir kishilik hoqoq depsendichiliki bilen tolghan Sherqiy Türkistangha qaritip, atalmish” térorchilar”ning ézilghüchi yerlik xelqler bolmastin belki del shu yerlik xelq üstidin tügimes zulum we basturush élip bériwatqan mustebit hakimiyet ikenlikini bayqiyalaydu.