Shayarda Namayish Boldi

Neq meydanda körgüchilerning éytishiche, 16 Xitay birliship bir Uyghur yashni urup öltürgen.

1-ayning 29- küni Sherqiy Türkistanning Shayar nahiyeside 500 din artuq Uyghur ahalisi namayish qilip, kelgundi Xitaylarning bir Uyghur yashni urup öltürgenlikige naraziliq bildürgen.

1-ayning 28 - küni shayar nahiye chong bazarning ichidiki bir oyunhanida bir Uyghur yash oyunchuq oynawitip, ihtiyatsizliqtin shu oyunhanida ishleydighan bir Xitayning pütigha dessiwalghan hem derhal u Xitaydin kechürüm sorighan. biraq bu Xitay esebiliship Uyghur yashni bir nechchini urghan. Oyunhanidiki kishiler nime bolghanliqini bilip bolghiche shu yerdiki 20 ge yiqin Xitaylar qollirigha kalteklerni éliship, oyunhanidiki barliq kishilerni qoghlap chiqirip ishikni taqiwalghan. Ehwaldin xewer tapqan kishiler Uyghur yashni qutuldurivilish üchün her qanche qilipmu ishikni achalmighan hemda qanun organlirigha xewer qilishqan. Amanliqni qoghdash saqchiliri yitip kelgiche, Xitaylar Uyghur yashni binaning 2 - qewitidin peske tashliwatken.bu Uyghur yash doxturhanigha yetmeyla jan üzgen. Bundaq zorawanliqtin ghezepke kelgen Uyghurlar namayish qilip hökümet dairlirining qatillarni jazalishini telep qilghan bolsimu, Xitay saqchilar adem öltürgen qatillarni saqchihanigha apirivilip qoghdap qalghan hemde namayishchilardin 8 kishini qolgha alghan. 
.