Peqetla Tarimda Bayqalghan Néfit – Gaz Miqdari Ikki Milyart Tonnigha Yéqinlashqan

< Tian shan tori > ning 12 – ayning 5 – küni xewer qilishiche, < Xitay néfit – xemiye ishlepchiqirish gurogi > teripidin yéqinqi yillardin buyan Tarim deryasi néfitlikide yengidin bayqalghan néfit – gaz zapas miqdari bir milyart 730 milyon tonna bolup, 2000 - yili tarim oymanliqidiki yilliq néfit ishlepchiqirish miqdari 1 milyon 940 ming tonna bolghan bolsa, 2007 - yili 5 milyon 360 ming tonnigha yetken, buyil 6 milyon 900 milyon tonnigha yétishi mumkin.

Xitayning pilani, 2010 - yiligha qeder yilliq néfit ishlepchiqirish miqdarini 10 milyon tonnigha yetküzüsh.

Ötken yili Sherqiy Türkistan boyiche ishlepchiqirilghan tebii gaz miqdari 21 milyart 100 milyon kup métir bolup, buning mutleq köp qismi tarim oymanliqidin ishlepchiqirilghan.

Bügüngi künde tarim oymanliqidiki néfit quduqliri, tebiiy gaz eghizliri, kömür kanliri shu derijide köpki, xuddi asmandiki yultuzlarni eslitidu, néfit we gaz turubiliri xuddi boghmaq yilandek pütün wadini chirmap alghan, korlidin tartip taki xotengiche asasliq chong nahiyilerning hemmiside degüdek chong we ottura tiptiki néfit - ximiye zawutliri, néfit qomandanliq shitapliri tesis qilinghan bolup, xitay merkizi hökümitige biwaste qaraydighan bu néfitlik we kan - karxanilarda ishlewatqan 100 minglighan ishchi - xizmetchilerning hemmisi xitaylardin ibaret we bular üchün sansizlighan zamaniwi olturaq rayonliri berpa qilinghan.

Bu Xitay ishchi - xizmetchilerning otturiche ayliq maashi 5000 yüandin kam emes we bu, jenubi rayonlardiki Uyghur déhqanlirining 3 - 4 yilliq kirimi bilen teng.
Bu rayondiki Uyghur déhqanliri yene burunqidek namratliq ichide yashap kelmekte.

http://www.tianshannet.com/news/content/2008-12/05/content_3560605.htm.