Xitayning Tianjin Shehride Milyon Kishilik Chong Namayish Bolghan, Beijingdiki Xitay Puqraliri Uni Qollighan

Abduréshid Haji Kérimi xewer qilidu.

2008 -yil 12 - ayning 03 - küni

Chet'elde chiqidighan " boshun" torining ashkarilishiche, " Jungxua erkin démokratlar partiyisi,junggo puxralar nazaret partiyisi, Jungxua erkinlik partiyisi, démokratik partiye birleshmisi, Junggo dölet partiyisi, puqralar erkinlik birleshmisi, junggoyingi xelq partiyisi, Junggo sotsiyal démugrattik partiyisi, Junggo démokratlar partiyisi qatarliq partiyilerning qollishi we medet bérishi bilen, Tianjin shehirining poyiz istansiyisi aldidiki meydanda, yinxé meydanida bolup, milyon kishilik namayish uyushturulghan. Namayishining meqsiti, Xitay kommunist hakimiyitining qishpesillik su qurulishi élip bérish bahanisi bilen xelqning öy- turar we mal mülükini éghir ziyan'gha uchratqanliqi we uninggha muwapiq tölem tölimigenliki seweb bolghan.

Namayishchilar kishilik hoquqini qoghdaymiz! Xitay kommunist hakimiyitining rezil - peskesh qilmishigha naraziliq bildürimiz! – dep shoarlar towlighan.

Junggo démugrattik partiyisining biwasite qomandanliq qilishi bilen Beijingdimu 12 - ayning 15 - küni chüshtin burun saet 9 larda, Beijingdiki her qaysi chong tiptiki paychéki almashturush ( birja) gha meblegh salghuchilar, jem'iyettiki ishsizlar, Beijingdiki herqaysi ali we ottura mektep oqughuchiliri, Tianjindiki namayishqa awaz qoshup, Tianjin xelqining kommunist hakimiyitige qarshi élip barghan heqqaniy körüshini qollighan.

Beijingning Tianimn meydanidimu milyonlighan kishiler namayishqa sep tartip Xitay kommunist hakimiyitige bolghan naraziliqini ipadiligen. Bu namayish yalghuz Tianjin xelqining heqtelep namayishini qollighanliqi bolupla qalmastin bashqa, Tianmin weqesining 20 yilliqinimu öz ichige alghan halda "6.4" Tianmin weqeside ölgenlerni yad etken we Xitay hakimiyitige qarshi küresh ipadisini namayande qilghan.

Wetinimiz sherqiy türkistanda , xelqmizge kéliwatqan éghirchiliq künsayin dawamlashmaqta! Hazir xelqimizning béshigha kelgen bu éghir musibet, tarixtiki herqandaq sulalilerdimu körülüp baqmighan we sadir bolmighan! Alayli, tughut yéshidiki yash qizlarni " ishinja emgek küchliri" nami bilen ichkiri ölkilerge toshup ippet nomusini sétishqa mejburlimaqta!

Qoshtilliq maarip nami bilen télimiz yoqulush girdabigha kelmekte!
" islahat" nami bilen öy turalghujaylirimiz chéqilip xelqmiz weyran bolmaqta!
Yerlirimiz Xitay aqqunliri teripidin igellinip yerlik xelqimiz yersiz qalmaqta!

Bazarlar, Xitay kommunist hakimiyiti mensepdarlirining qoligha ötüp yerlik xelq kündilik hayatinimu qamdayalalmaydighan halgha chüshmekte!

Yézilarda hashar künsayin éghirliship xelqmizni halidin kettürmekte!

****************

Mushundaq éghir künlerge qalghan xelqmiz némilerni qilishi kérek ! Biz chet'elde yashawatqan Uyghurlar! We herqaysi teshkilatlar, xelqmiz üchün némilerni qilishimiz kérek ?! Bu mesile. Her bir Uyghur yigitini oylanduridighan bir mesile bolup qaldi.

Chet'elde yashawatqan Xitay teshkilatliri, milyon kishilik namayish uyushturup Xitay hakimiyitini sarasimgha salghan yerde! Biz ular qilghanni qilalamduq? Yoq! Oylinishqa tégishlik bir mesile bolup qalghandek qilidu!