Qeshqer Semen Yoli Qehrimanliri Qurbanjan Ablimit We Abdurahmanjan Azadlar Sotlandi

Abduréshid Haji Kérimi xewiri

200-yil 11 - ayning 29 - küni

Wetendin igiligen xewerdin qarighanda. 11 - ayning 11 - küni seyshenbe, Qeshqer wilayetlik sot mehkimisining zalida, Semen yoli qehrimanliridin Qurbanjan Ablimit, Abduraxmanjan Azad'lar üstidin sot échilghan.
Sot zali, nahayiti sürlük – jiddiy qiyapet tüsini alghan bolup, sotqa sirttin qatnishish "salahiyiti"ge érishken nahayiti azsandiki bir türküm kishilar jim - jit olturup, teqezzaliq ichide qehrimanlirimizni axirqi qétim körüsh pursiti kütken.

Qehrimanlirimiz Qurbanjan Ablimit bilen Abdurahmanjan Azadlar , Xitay fashist saqchi – jandarmlirining zenjir sirtmaqliri bilen sot zaligha yalap élip kélin'gen.
Xitay terepning sorighan soallirigha héchqandaq temtirimey temkin halda jawab bergen Abdurahmanjan Azad:
- Biz, Allahning yoli, Peyghembirimiz Muhemmedning körsetmisi boyunche, ana sütini halal bilip, wetinimizni bésiwalghan zalim düshmenlerni wetinimizdin heydep chiqirish üchün, bizni xarlap zulum qilghan Xitay tajawuzchiliridin intiqam élish üchün jihadni perz bilip bu ishni qilduq.......,-dégen.
Sotqa qatnashqan bezi kishiler hayajénini basalmay , özini tutalmay, yigha tutup yighin zalidin chiqip ketken.....

Nöwet Qurbanjan Ablimitqa kelgende, sottiki yighin qatnashquchilirigha temkinlik bilen bir nezer sélip, hemmini közdin köchürgendin kéyin, sotchining sorighan soaligha mundaq jawab bergen:
- Bizning mundaq qilishimizgha, Xitay hakimiyiti tamamen jawabkar bolishi kérek. Bizning néme üchün mundaq qilghanliqimizni Xitay hökümiti özliri jawab bersun, - dégen.
Tekrar soraq sorighanda:
- Biz közligen meqsetke yitelmiduq. Men bek epsuslinimen. Esli shu küni, ettigenlik herbiy meshiqqe chiqqan Xitay eskerlirining sani 79 idi. Hemmini öltürüp andin 2 - pilan'gha ötmekchi iduq. Ularning arisida 2 neper ayal bariken. Allahning kitabida we hedis shiriplarda" ayallarni we nareside balilarni öltürgenlik jihad hésablanmaydu "- dégen petiwaning körsetmisige binaen, 2 ayalni öltürsek bolmaydu, dep ularni ayap ,.... Ishimizdin chataq chiqti.....
Men bu heqta bekmu epsuslinimen,- dégen.....
Tekrar soraq soallarni sorighandin kéyin bu ishni küzütüwatqan Xitay emeldarliri, ishning chonguyup kétishi we sotqa qatnashqan kishilerning" söz- chöchek " qilip sirtqa tarqitiwitishidin ensirep sotni toxtitishqa buruq chüshürgen....

Bu sot, gerche bek az waqit ichide tamamlan'ghan bolsimu, sotta soralghan soal jawablar, sotqa qatnashqan kishilerning menggü isidin chiqmaydighan tarix bitige, kishiler qelbige menggü möhürdek bésilidighan, yizilidighanliqi éghizgha ilinmaqta.... Iken.

Sot axirida, Qeshqer semen yoli qehrimanliri, Uyghur tarixigha menggü öchmes izlarni qaldurghan, Uyghur xelqining menggülük qehrimani hésablinidighan Qurbanjan Ablimit bilen Abdurahmanjan Azadlargha ölüm jazasi bérilgenliki élan qilin'ghan, emma Qachan? Nede? Ijra qilinidighanliqi hazirche éniq emes iken.

Ehwalni melum qilghuchining tesewwur qilishiche: "Qurban héyitning aldida ijra qilip xelqmizge bir qorqunchni sélishni oylawatqan bolishi kérek ,- dep perez qilmaqta!

Qurbanjan Ablimit bilen Abdurahmanjan Azadlar ikki bir tuqqanning baliliri bolup., Qurbanjan Ablimitning anisi Ibdetxanning inisi Abdurahmanjan Azadning dadisining ukisi bolidu.
Yeni. Ibadetxan bilen Azadlar acha - uka bolidu.