Kirgizistan Höküméti Kirgizistanda Islam Dinidin Bashqa Dinlarning Tarqilishigha Cheklime Qoydi

( Yuqarqi Sürette: Bing tuaning bayanatchisi axbarat élan qilish yighinida )

Kirgizistan höküméti, qanun chiqirip Kirgizistanda Islam dinidin bashqa dinlarning ewij éiip tarqilishigha qattiq cheklime qoyghan bolup, balilarning dinni teshkilatlargha qatnishishini, islam dinidin bashqa kitaplarning, video flimlarning yaki teshwiq waraqlirining bésip tarqitilishini qattiq chekligen. Netijide bu ehwal Kirgizistanda din tarqitiwatqan Xiristian murtlirini qiyin ehwalda qoyghan bolup, Amerika we Yawropadiki insan heqliri teshkilatliri Kirgizistanni dinni erkinlikni boghdi dep eyipligen. Kirgizistan xelqi gerche islam dinigha étiqad qilidighan Türk milletlirige mensup bolsimu, emma Soviet ittipaqi yimirilishtin burun, Kirgizistanda Ruslarning assimilatsiye siyasiti Tupeylidin Islam étiqadi intayin susliship ketken idi. Kirgizistan musteqilliqqa érishkendin keyin, Kirgiz xelqi öz kimligini eslige keltürüsh üchün köp tirishchanliqlarni körsetti. Bu qétim Kirgizstanning qanun chiqirip bashqa dinlarning ewj élishini cheklishimu kirgizlarning milli kimligini yorutushtiki tirishchanliqlarning eng muhim qismi hésaplinishi mumkin.