|
Chet'elde Yashawatqan Tibetliklerning Qurultiyi Axirliship Yéngi Qarar
Maqullidi
( Resim AP ning
)
2008 –yil 11- ayning 22 –küni
Abduréshid Haji Kérimi
Taiwan merkizi axbarat idarisining muxbiri Goquan Shingning Hindistanning
Yéngi Déhli shehridin bergen xewiride munular körsitilidu.
6 kün dawam qilghan dunyadiki 14 döletidin kelgen 500 din artuq millet
wekillirining qatnishishi bilen chaqirilghan Tibet wekiller qurultiyi,
Hindistanning gherbi shimalidiki taghliq rayon darlsalamdiki Tibet
sürgündiki hökümitining qarar gahida chaqirilghan bolup, bügün ghelibilik
axirliship töwendikidek qara maqullighan:
- Tibetliklerning sürgündiki rohaniy dahiysi Dalaylama- Tibet xelqining
heqqaniy wekili; Tibet sürgün hökümiti – Tibetning qanunluq hökümiti; pütün
Tibet xelqi – Dalaylamaning " ottura yol '' siyasitini birdek izchil himaye
qilidu,- dep bayanat élan qilghan. Buqétimqi qurultay , Tibet sürgün
hökümitining, yéqinqi zaman tarixidiki 50 yildin béri chaqirghan tunji
alahide qurultiyi iken.
Qurultay reisi, Tibet sürgün hökümitining parlamént bashliqi Karma Cheophel
Qurultayning eng axirqi qararini oqup mundaq dégen:
- Dalaylama, Tibet xelqining heqqaniy wekili; weten ichi we sirtidiki Tibet
xelqining siyasiy we diniy dahiysi; Tibet sürgün hökümiti- weten ichi -
sirtidiki Tibet xelqining birdin - bir qanuniy hökümiti; Xitay hökümitining
bu heqtiki pakitni burmulishigha, herqandaq septesige qet'iy qarshi turidu;
Dalaylamaning alahide shexsi wekilliri bu yil Beijingdiki Xitay dairiliri
bilen 8 - qétimliq dialog élip barghanda:" Dalaylama we Tibet sürgün
hökümitining Xitayda yashawatqan Tibet xelqige we Xitay chong quruqluqidiki
Tibetke wekillik qilish salahiyiti yoq" – dep biljirlidi. Hazir Tibette
texminen 6 milyon Tibet xelqi yashawatidu, weten sirtida bolsa 200 mingdek
Tibetlikler yashawatidu, bularning asasliqi Hindistanning chégrisi ichide.
Xitay dairiliri yéqinqi yillardin béri Dalaylama'gha til tegküzüp haqaret
qildi, bu pütün Tibet xelqige qilin'ghan haqaret, Tibet xelqi buni hergiz
kechürmeydu! Buqétimqi qurultayda nurghun talash tartishlar boldi, birqisim
wekiller Tibet musteqilliqini élan qilimiz dése, köp sandiki wekiller
Dalaylamaning " ottura yol " siyasitini teshebbus qilip bu qarar maqullandi,
emma bu qarar zadi Xitay dairiliri teripidin yene ret qilinip emeli ünüm
bermise, biz belgilik cheklik dairide Tibetning musteqilliqi yolini
talliwalimiz,- dégen.
Emma bu dairining qaysi cheklik dairide ikenlikide melum sanni éniq tilgha
almighan.
Bu qétimqi qurultayning jiddiy chaqirlishidiki asasliq seweb, Tibettiki bu
yil ichide yüzbergen Xitay hakimiyitige qarshi élip bérilghan bir qanche
qétimliq naraziliq namayish herikiti bilen xelq'ara'ning Xitaygha bolghan
siyasiy weziyitining teqezzasidin iken.
Wetinimiz Sherqiy Türkistanda, bu yil ichide Xitay hakimiyitige qarshi bir
qanche qétimliq qarshiliq heriketler arqa – arqidin élip bérildi. Bu
heriketlerning netijisi bizning chet'eldiki teshkilatlirimizghimu nahayiti
chong tesirlerni bergen bolishi mumkin !
http://www.epochtimes.com/gb/8/11/22/n2338257.htm
|
