|
ETIC, Gollandiye Siyasi Panahliq Organlirigha Murajetname Yollashqa
Hazirlanmaqta
Gollaydiyediki bir qisim Uyghur qérindashlirimizning < Sherqiy Türkistan
Informatsiyon Merkizi > ning reyisi Abdujélil Qaraqash ependimge biwaste
inkas qilishiche, yéqinqi mezgillerdin buyan Gollandiyede Uyghur siyasi
panahliq tiligüchilerning télévining hökümet tarmaqliri teripidin ret
qilinish ehwali köpeygen bolup, bu ehwal Gollandiyediki qérindashlirimiz
ichide küchlük endishe peyda qilghan.
Bezi qérindashlirimiz, < nöwette Sherqiy Türkistanning siyasi weziyiti
intayin jiddi, Xitay hakimiyitining uyghurlargha qaratqan basturush we
tutqun qilish heriketliri üzlüksiz kücheymekte, chetellerdiki uyghur siyasi
paaliyetchilirining weten ichidiki uruq – tuqqanlirigha qaratqan
ziyankeshlikmu eship barmaqta, bundaq sharayitta eger Gollandiyege kélip
siyasi panahliq tiligen bir uyghurning teliwi ret qilinip yurtigha
qayturulidighan bolsa, choqum Xitayning ziyankeshlikige uchrimay qalmaydu >
diyishmekte.
Bash orgini germaniyening Müchen Shehridiki < Sherqiy Türkistan
Informatsiyon Merkizi > yuqarqi ehwallarni közde tutup, Gollandiye siyasi
panahliq organlirigha Uyghurlar nöwette duch kéliwatqan zulum we besimlar
bayan qilinghan we Uyghur siyasi panahliq tiligüchilerning mesilisige jiddi
qarash telep qilinghan mexsus murajetname yollashqa hazirlanmaqta.
Abdujélil Qaraqash ependi yene, chetellerde paaliyet élip bériwatqan bashqa
Uyghur teshkilatliriningmu Gollandiye siyasi panahliq organlirigha ayrim –
ayrim halda murajetname yollishi lazimliqini, bunung Gollandiyediki
qérindashlirimizning siyasi panahliq teliwining qobul qilinishida türtkülük
rol oynaydighanliqini bayan qildi.
.
|
