|
Sherqiy Türkistanda "Töt Chong Heriket" Elip Berilmaqchi
Yeqindin buyan Xitay hökimiyiti, Sherqiy Türkistanda atalmish "3 xil
küchlerge" qarshi bir yurush siyasitini qollinip, basturushni teximu
kücheytmekte.
Xitay dölet xewpsizlik ministirligi atalmish "ikkinchi türkümdiki Sherqiy
Türkistan tiroristliri tizimliki" ni elan qilghandin keyin, Sherqiy
Türkistanda atalmish "3 xil küchlerge" ge qarshi "4 chong heriket"ni
bashlidi. Xitay hökimitining bu 4 chong herkiti bolsa "omumyüzlük üginish,
muhakime qilish, pash qilish we tüzesh" tin ibaret. Xitay hökimiti bu shuar
arqiliq Sherqiy Türkistandiki her derijilik orun, idare, mektep,
yeza-qishlaq, zawut-karxana, mesjid qatarliq jemiyetning hemme saheliride
yengidin bir heriket qozghap, atalmish milliy bölgünchilikke qarshi köreshni
teximu keskin elip baridighanliqini, teximu qattiq basturidighanliqini elan
qildi.
Birinchi keng-kölemde üginish - nöwettiki Xitay hökimiti bashlighan
keng-kölemde üginish herkiti Sherqiy Türkistanda özining Sherqiy Türkistanda
elip beriwatqan assimilatsiye, dinsizlashturush, atalmish qosh tilliq maarip....qatarliq
siyasitliri heqqidiki hojjetlerni mejburi üginixni qanat yaydurush arqiliq,
Xitay hökimitining Sherqiy Türkistanda elip beriwatqan basturush
heriketlirini qanunlashturushtin ibaret.
Keng-kölemlik muhakime qilish - bu emiliyette her bir Uyghurni sözlitip,
özining bu xildiki siyasetlirini Uyghurlargha mejburi tengish, , mejburi
qobul qilishtin ibaret.
Keng-kölemde pash qilish herkit - Xitay hökimitining elip beriwatqan bu
keng-kölemde pash qilish herkiti, Uyghurlar arisida wehime peyda qilmaqta,
chünki azraqla milliy hissiyatqa ige bolghan Uyghurlar pash qilishqa
seperwer qilinip, eyni chaghdiki "mediniyet inqilabi" ni esletmekte.
Keng kölemde tüzesh herkiti- Bu arqiliq omumyüzlük tutqun qilish, qilche
rehim qilmasliq, "üch xil küchler" sezilgen haman, böshigide yoqutushtin
ibaret.
Xitay hökimitining nöwette elip beriwatqan siyasetliri Uyghur jemiyitide
yene bir wehimini peyda qilmaqta.
http://www.aboluowang.com/news/data/2008/1022/
article_61805.html
|
