Idare – Jemiyetlerde < Rabiye Qadirni Pipen Qilish > Herikiti Bashlandi

ETIC ning wetendin biwaste igellishiche, < aptonom rayonluq partikom > we < aptonom rayonluq xelq hökümiti > ning telipige asasen ikki kündin buyan Korla shehridiki herqaysi idare – jemiyetlerde, < Rabiye Qadirni pipen qilish > herikiti bashlanghan bolup, Uyghur ishchi – xizmetchiler etigenlik ish waqtidin, chüshlük tamaq waqtigha qeder yérim kün hökümet teripidin mexsus uyushturulghan bu < pipen yighini > gha qatnishishi shert iken.

< Pipen yighini > ning mezmoni bolsa, Nur Bekrining 9 – ayning 10 – küni < aptonom rayonluq kadirlar xizmet yighini > da bergen doklatining mezmonini chöridigen asasta, < Rabiye Qadir we Sherqiy Türkistanchilarning jinayi qilmishlirini pash qilish > iken.

Hökümet tarmaqliri, türlük bahane – sewepler körsütüp < Rabiye Qadirni pipen qilish > yighinigha qatnashmighan kadir we ishchi – xizmetchilerni memuri jazagha tartidighanliqi heqqide agahlandurghan.

ETIC ning igellishiche, < Rabiye Qadirni pipen qilish > digen namda bashlanghan bu siyasi heriket, peqet Korlidila emes, belki Sherqiy Türkistanning bashqa rayonliridimu qanat yaydurulushqa bashlanghan.