Bing Tuande, < Sherqiy Türkistan Térorchilirigha Qarshi Turush Manewiri > Ötküzüldi

< Tian shan tori > ning 6 – ayning 20 – küni xewer qilishiche, Olimpik mesh’ili Sherqiy Türkistangha élip kélingen küni, yeni 6 – ayning 16 – küni, Xitay qoralliq saqchi qisimliri Bing tuan qomandanliq shitabi teripidin mexsus, < Sherqiy Türkistan térorchilirigha qarshi turush manewiri > ötküzülgen.

Xitay qoralliq saqchi qisimlirining Bing tuange orunlashturulghan < terorizimgha qarshi turush chong etriti > dep atalghan alahide qisim teripidin élip bérilghan bu herbiy manewirda, Sherqiy Türkistandiki atalmish < térorchilar > bilen, cheteldin tengri taghlirining chongqur eteklirige yoshurun kirgen bir gurup < terorchi > ning özara birliship, < teroristik heriket > élip bérishqa urunghanliqi, Xitay qisimlirining bu axbaratni igelligendin keyin, jiddi heriketke ötüp, ulargha qorshap hujum qilghanliqi teqlit qilinghan.

Yuqarqi xewerde körsütülishiche, atalmish < térorist > lar taghliq rayondiki bir harabe öyge yoshuruniwalghanmish, Xitay eskerliri ularni qorshiwalghanda, tapancha kötergen we bellirige bomba tangghan < téroristlar > bolsa teslim bolushni ret qilip, < senler bilen jan tikip élishimiz > dep towlighanmish, shunung bilen Xitray eskerliri ulargha shiddetlik hujum qozghap, hemmisini toluq yoqutup, < zor ghelibe > ni qolgha keltürgenmish !

Bu qetimqi manewirda yene, atalmish < teroristlar > teripidin qachurulghan aptawuzdiki insanlarni qutquzush, qachqan < téroristlar > ni qoghlap tutush … qatarliq türler boyichimu manewir élip bérilghan.

Olimpik mesh’ili 6 – ayning 16 – küni kechte Ürümchige élip kélingen we etisidin etibaren Sherqiy Türkistanda aylandurulushqa bashlanghan idi, Xitay hakimiyitining olimpik mesh’ilining kirgen künige toghrilap bundaq keng kölemde herbiy manewir élip barghanliqi, Sherqiy Türkistanning siyasi weziyitidiki jiddichilikni ashkarilap turmaqta. Yene kélip bu manewirning Bing tuan teripidin élip bérilghanliqimu, Bing tuanning mahiyitini we xarektirini ispatlap turmaqta.