|
Olimpik Mesh’ili Xihenze We Sanji Seherliride
6 – ayning 17 – küni Ürümqide, 18 – küni Qeshqer shehride aylandurulghan
Olimpik mesh’ili, bügün, yeni 6 – ayning 19 – küni Xihenze we Sanji
sheherliride aylanduruldi, bunung bilen, olumpik mesh’ilini Sherqiy
Türkistanda aylandurush pa’aliyiti ayaqlashti.
Hazirgha qeder, Olimpik mesh’ilini Sherqiy Türkistanda aylandurush jeryanida
yerlik Xelq teripidin keng kölemlik birer naraziliq we qarshiliq körsütüsh
herikiti yüzbergenlikige dayir hech bir uchur yoq.
Emma, Xitay hakimiyitining olimpik mesh’ilini Sherqiy Türkistangha élip
kirish waqtini tuyuqsiz özgertkenliki, mesh’elni aylandurush jeryanida hech
bir zaman körülüp baqmighan derijide amanliq tedbirlirini yüksek derijide
ashurghanliqi, Ürümqi we Qeshqerde yerliklerning kochigha chiqishigha zor
derijide cheklime qoyghanliqi, mesh’elni élip kirish harpisida pütün Sherqiy
Türkistan miqyasi boyiche keng kölemde tazilash herikiti élip barghanliqi,
Sherqiy Türkistanda Bei jing olimpik yighinigha we Xitay hakimiyitige qarshi
jiddi bir yoshurun küchning barliqidin ochuqche bisharet bérip turmaqta.
Bolupmu 6 – ayning 18 – küni Olimpik mesh’ilini Qeshqerde aylandurush
herikiti tamamlinishi bilenla hapila – shapila Xizenze shehrige yötkep
ketilgenliki, bu nuxtini ispatlap turmaqta.
Olimpik mesh’ilini Xihenze shehride aylandurush murasimi bügün, yeni, 6 –
ayning 19 – küni chüshtin burun 9 din 40 minut ötkende bashlanghan we
mesh’elni aylandurush üchün Xihenzidin 104 neper kishi tallap chiqilghan.
Bing tuanning bash qomandani Hua shi fei murasimda qilghan sözide, 2 milyon
600 ming kishilik Bing tuan qoshunining, chégrani qoghdash we Xitayning
birlikini qoghdash jehette intayin mohim rol oynawatqanliqini bayan qilghan,
unung bu bayanliri, Bing tuanning qandaqtur adettiki bir ishlepchiqirish
qoshuni emes, belki Xitay hakimiyitining Sherqiy Türkistandiki eng asasliq
mustemlikichilik qoshuni ikenlikini ochuq ashkarilap turmaqta.
Olimpik mesh’ilini Xihenze shehride aylandurush pa’aliyiti ayaqlashqandin
keyin, chüshtin kéyin saet 3 tin 57 minut ötkende Sanji shehride olimpik
mesh’ilini aylandurush murasimi ötküzülgen.
Olimpik mesh’ilining Sanjida aylandurulushi bilen, mesh’elni Sherqiy
Türkistanda aylandurush pa’aliyiti resmiy ayaqlashti we Xitay hakimiyitimu
erkin bir nepes alghan boldi.
|
