Germaniyede Mehmud Qeshqeri Zehni Sinash Musabiqisi Ötküzüldi

2008 - yili 6 - ayning 15 - küni Germaniyening München shehride Dunya Uyghur Qurultiyi we Yawropa Sherqiy Türkistan Birligining orunlashturulishi bilen „2008 - yilliq Mehmud Qeshqeri Ösmür-Balilar Zehni Sinash Musabiqisi“ ötküzüldi.

2008-yili Büyük ensklopidik alim, muteppekkur Mehmud Qeshqeri tughulghanliqining 1000 yilliqi bolup, bu yil Birleshken Döletler Teshkilati teripidin „Mehmut Qeshqiri Yili“ qilip bekitildi. Buningdin weten ichi we sirtidiki pütkül özlirining bu büyük alimidin cheksiz pexirlendi we söyündi. Mushu munasiwet bilen Dunya Uyghur Qurultiyi we Yawropa Sherqiy Türkistan Birligi bu qétimki zehni sinash musabiqinimu Mehmud Qeshqeri namigha atap élip bardi.

Zehni Sinash Musabiqisige Germaniyening München shehride yashawatqan Uyghur perzentliri we ata-aniliri qatnashti. Musabiqe bashlinishtin burun büyük alim Mehmud Qeshqerining hayati, ijadiy paaliyetliri shundaqla uning alemshumul esiri „Türki Tillar Diwani“ tonushturulup ötildi andi musabiqe resmi bashlinip nahayiti muwappiqiyetlik ötküzüldi.

Bu qétimki musabiqining meqsiti Yawropa elliride, hususen Germaniyede yashawatqan Uyhgur perzentlirining Yawropada gherp terbiyesini élish bilen birge öz ana tilini söyüsh, ana tilini ügünishke qizziqturushtin, weten heqqidiki bilimlerni perzentlirimizge kichigidin bashlap singdürüshtin ibaret boldi. Germaniyede 2005 - yilidin bashlap Alptikin telim-terbiye merkizi qurulghan bolup hazirghiche bu merkezde perzentlerning yeshigha köre siniplarni echip, Uyghur tili, dini we weten heqqidiki bilimler hazirghiche perzentlirimizni terbileyep kelmekte. Bu qétimki zehni sinash musabiqisimu perzentlirimizning ügengen bilimlirini ata-anilargha namayen qildurush, righbetlendürüshtin ibaret boldi. Musabiqe ikki guruppigha (A-Guruppa 7-11 yashqiche, B-guruppa 12-14 yashqiche) bölün’gen bolup jemi 150 tin aartuq sual we 30 din artuq alahide suallar soraldi we her bir guruppini üch derijige ayrip mukapatlar tarqitildi. Bu qétimqiy zehn sinash musabisining buyumlirini germaniyediki „Teklimakan Restaurani“, „Nur Imbiss (téz tamaqxana)“, „Sutuq Bughraxan Imbiss“, „Karawan Imbiss“ we „Ümüt Markt“ning igiliridin bolghan wetenperwer tijaretchilirimiz, dukandarlirimiz öz üstige aldi we mukapat boyumlirini tarqatti.

Yawropa Sherqiy Türkistan Birligi Teshwiqat Bölimi

2008-yili 6 - ayning 15 - küni