Tebiy Bayliqlirimiz Heqqide Yéngi Uchurlar

< Xinjiang géziti > ning 6 – ayning 5 – künidiki sanida, Sherqiy Türkistanning tebiy bayliqliri heqqide yéngi sanliq melumatlar élan qilindi.

Yuqarqi xewerge asaslanghanda, nöwette Sherqiy Türkistanda bayqalghan kan mehsulatlirining türi 138 xil bolup, pütün Xitay boyiche bayqalghan kann mehsulatliri türining 80.7 pirsentini teshkil qilidu.

Zapas miqdari éniqlap chiqilghan kan mehsulatining türi 79 xil bolup, bu mehsulatlar ichide 8 xil tür Xitay boyiche aldinqi orunda turidu.
Sherqiy Türkistanning nöwettiki néfit zapas miqdari 20 milyart 860 milyon tonna bolup, Xitay boyiche bayqalghan néfit zapas miqdarining 30 pirsentini teshkil qilidu.

Tebiygaz zapas miqdari 1 tiriliyon 300 milyart kup / métir bolup, pütün Xitay boyiche bayqalghan Tebiygaz zapas miqdarining 34 pirsentini teshkil qilidu.
Kömür zapas miqdari 219 milyart tonna bolup, pütün Xitay boyiche bayqalghan kömür zapas miqdarining 40 pirsentidin köpirekini teshkil qilidu.

Sherqiy Türkistanda paydilinishqa bolidighan su zapas miqdari 9 milyart 600 milyon kup / métirgha yétidu.

Xitay merkizi hökümitining nöwette Sherqiy Türkistangha qaratqan istiratigiyélik pilanining tüp meqsidi bolsa Sherqiy Türkistanning tebiy bayliqlirini talan – taraj qilish qedimini tezlitishtin ibaret.

Chetellik bezi iqtisadi analizchilar, néfit, Tebiygaz … qatarliq énirgiye mehsulatlirining bahasi shiddet bilen örlewatqan bügünki dunyada, eger Sherqiy Türkistan musteqil bir döwletke aylanghan teqdirde, dunyaning eng bay döwlitige aylinidighanliqini qiyas qilishmaqta.

Hazir peqetla Sherqiy Türkistandin yiligha ishlepchiqiriliwatqan nefit we tebiygazning qimmitini 20 milyon Uyghurgha chachqan teqdirdimu, kishi béshigha toghra kélidighan kirim jehette Yawropaning eng tereqqi tapqan döwletliriningkidinmu éeship kétidu.