Xitaydiki Tebiiy Apet Sherqiy Türkistan Xelqige Balayi Apet Élip Keldi

Öz xewirimiz : Xitayning Sichuan ölkisining Wénchuan wilayitide yer tewresh apiti yüz bergendin kéyin , Sherqiy Türkistanning hemme yéride apetke uchrighan rayonlargha yardem bérish niqabi bilen pul " IANE " qilish ishi siyasiy tüsni alghan halda élip bérilmaqta iken .

Wetendin igiligen xewerde , herbir ishchi xizmetchi az dégende 2 ayliq maashini apetke uchrighan rayon'gha " IANE "- qilip bérishi belgilen'gen iken.

Sheher ahalisi meyli uning iqtisadi kirimi bolsun bolmisun qet'i nezer choqum " IANE "- qilish kérek iken.
Yézilardiki déhqan ahalisi choqum shu yeridki hökümet xadimi belgiligen ölchem boyunche " IANE " – qilish kérek iken.

Igiligen xewirimizde, mektep baliliri bilen yeslidiki nareside balilarmu choqum " IANE " – tölishi kérek ,- iken.

Undaq bolghanda , balisi bar Uyghur ishchi – xizmetchi maashi üchün bir " IANE " – tölise , yeslidiki we mektepdiki baliliri üchünmu yene " IANE " - tölishi kérek iken. Bezi ata- anilar " IANE " ning toliliqidin janni biqishqimu ilajsiz qalghan.

Ularning beziliri : Xitayda apet yüz bériwidi, Sherqiy Türkistandiki Uyghurgha yene kelgülük keldi. Sherqiy Türkistandiki Xitayni baqimizmu? Apetke uchrighan Xitayni baqimizmu? Qaysi birini béqip bolarmiz! déyishmekte.