Nur Behrining Bildürishiche Uyghurlar Bei Jing Olimpik Yighinidin Pexirlinermish !

Bir terepdin Xelqara kishilik hoqoq teshkilatliri we chetellerdiki Uyghur teshkilatliri Bei Jing olimpik yighinigha qaratqan naraziliq sadalirini üzlüksiz kücheytiwatqan, yene bir tereptin Xitay hakimiyitimu olimpik yighinini süyistimal qilip dunya siyasi sehniliride Uyghurlargha qarshi siyasi jehettin jiddi qarilash kampaniyesi élip bériwatqan bügünki künde, Sherqiy Türkistanliq qorchaq emeldarlar we qorchaq wekiller aghzi – aghzigha tegmey Bei Jing olimpik yighinigha medhiyeler oqumaqta.

Mesilen, nöwette Bei jingda < memliketlik xelq wekiller qurultiyi > gha qatnishiwatqan qorchaq reyis Nur Bekri, 3 – ayning 13 – küni Xitay merkizi téléviziye istansisining ziyariti qobul qilghanda, < Xinjiangdiki her millet xelqi Bei jing olimpik yighinidin ibaret bu merikidin iptixarlinish hés qilidu, olimpik mesh’ili aldimizda Ürümqi, Qeshqer, Sanji we Xihenze qatarliq 4 shehrimizge yétip kelmekchi, bu arqiliq biz pütün dunyagha ronaq tapqan we tereqqi qilghan Xinjiangni tonutush pursitige érishimiz > dep körsetken.

Yene bir tereptin Xitay hökümiti nöwette Bei jingda yighingha qatnishiwatqan atalmish < uyghur wekiller > ni teshkillep, ularni olimpik yighini ötküzülidighan musabiqe meydanlirigha élip bérip ekiskursiye qildurmaqta, bu arqiliq ularning < wetenperwerlik tuyghusi > ni ashuramish !