|
Sherqiy Türkistan Imformation Merkizi Xitay Hökümitining Abduweli Imin
Qatarliq 6 Neper Uyghurgha Bérilgen Ölüm Jazasini Dölet Térorluq Herkiti dep
qaraydu
Xitay hökümiti bu yil 8-noyabir küni, Abduweli Imin qatarliq 6 neper Sherqiy
Türkistan azatliq kürishining jengchiliri üstidin höküm élan qilip, 5
nepirige ölüm jazasi berdi. Sherqiy Türkistan imformation merkizi, bu
munasiwet dunya jamaetchilikige töwendikilerni bildürüp ötidu:
Xitay sotining hökümnamiside, mehkumlarning musteqilliq kürishi döletni
parchilash jinayiti dep eyiplengen, emma Birleshken döletler teshkilati
teripidin 1966 -yli maqullanghan xelqra, ijdimai, iitisadiy, medeniy heqler
kélishimide dunyadiki barliq milletlerning öz teqdirini özini belgulesh
hoquqi barliqi mueyyenleshturulgen (1), shunga Xitay sotining bu hökümi
xelqara qanungha xilaptur; mehkumlarning herkiti, Xitay soti deginidek,
bölgüncilik emes, belki Uyghur millitining öz teqdirni özi belgulesh
hoquqini qolgha keltürüsh üchün élip barghan erkinlik kürishidur .
Hökümnamide yene, mehkümlarning teshkilatqa uyushushi we eskiriy teyyarliq
herkiti, térorsist herket dep eyiplengen. Xelqara insan heqliri
bayannnamisining kirish sözide döletlerning öz hakimiyiti astdiki öktichi
küchlerni qoralliq qarshiliq körsütushke mejburlimasliqi kerekliki
eskertilgen(2); Emma xitay hökümiti hakimiyiti astidki héch bir millet, héch
bir gurupqa teshkilatlargha uyushush, öz iradisini ténch yoli bilen
ipadilesh erkinlikini bergini yoq, shunga Xitay sotning bu eyipnamisimu
asassizdur.
Hökümnamide bildürilishiche, mehkumlar, eskiriy teyyarliq basquchida
bayqalghan, atalmish jinayetmu texi shekillenmigen; Xitay qoralliq qisimliri
qolgha élish uchun basturup kelgende, qarshiliq korsetken, mehkumlaning neq
meydandiki qarshiliq normal özini qoghdash qarshiliqidur; uning ustige
toqunush Xitay qoralliq qisimliri bilen bolghan, biganah xelqqe ziyan
kelturmigen, shunga Xitay sotining terorsit eyiplimisining xelqara qanuny
asasi yoq.
Shunga biz Xitay hökümitining bu alte neper uyghur ustidin élip barghan ölüm
jaazasini Uyghur xelqining erkinlik uchun küresh qilish iradisini sundurush
üchün, yillardin béri Sherqiy Türkistanda dawamlashturiwatqan dölet
térorining bir parchisi dep qaraymiz.
Abduweli Imin qatarliq alte kishini Uyghur xelqining munewwer (ser xil)
oghlanliri dep tonuymiz.
Axirida, Birleshken döletler teshkilatini, Amerika qoshma ishtatliri
we Yawropa ittipaqini Xitay hökümitining Sherqiy Türkistanda élip bériwatqan
dölet térorini toxtutush uchun herket qilishqa chaqirimiz.
|
