|
Ismayil Tiliwaldi Jenoptiki 3 Wilayetni Közdin
Kechürgende, 17 – Qurultayning Rohini Ögünüshni Tekitlidi
( Yuqarqi sürette: Ismayil Tiliwaldi Qaraqash nahiyesidiki < qosh tilliq
oqutush sinipi > da )
< Xinjiang geziti > ning 11 – ayning 4 – küni xewer qilishiche, < aptonom
rayon > ning reyisi Ismayil Tiliwaldi, 10 – ayning 29 – künidin, 11 – ayning
2 – künigiche Aqsu, Qeshqer we Hoten wilayetliride hökümet xizmetlirini
közdin kechürgen we ziyaret jeryanida her derijilik hökümetlerdin < muqimliq
> ni saqlap, kompartiyening 17 – nöwetlik wekiller qurultiyining rohini
estayidil ögünüshni telep qilghan. Ismayil Tiliwaldi ögünüshni telep qilghan
atalmish < 17 – qurultay rohi > bolsa, Xitay hakimiyitining Sherqiy
Türkistanning tebiy bayliqlirini talan – taraj qilish we Uyghurlarni
atsimilatsiye qilip yoqutush siyasitining rohidin bashqa nerse emes.
Jenobi rayonlardiki Uyghur déhqanliri qosaq toyghuzushning derdide
tipcheklewatqan shu künlerde Ismayil Tiliwaldi yene asasi qatlam
hökümetlerdin atalmish < qosh tilliq oqutush > siyasitini estayidil
emilileshtürüshni telep qilghan.
Ismayil Tiliwaldi bu qétimqi sepiride, 10 – ayning 31 – küni Qaraqash
nahiyesining Saybagh yézisidiki milliy ottura mektepte tesis qilinghan <
qosh tilliq oqutush sinipi > zi ziyaret qilish arqiliq, özlirining < qosh
tilliq oqutush > qa qaysi derijide ehmiyet bergenlikini ipade qilghan.
Wetendin kelgen inkaslardin melum bolushiche, Hoten rayonidiki hökümet
tarmaqliri ma’aripqa ajritilghan mebleghning hemmisini digüdek < qosh tilliq
oqutush > ni yolgha qoyghan mekteplerge yüzlendürgini üchün, Hoten rayonida
téxi < qosh tilliq oqutush > ni yolgha qoyalmighan milliy mektepler peydin –
pey xarabiliqqa aylinishqa bashlighan. .
|
