Ramazan Bayrimingizlargha Mubarek Bolsun !

Essalamu eleykum éziz yurtsadhalar, aldi bilen men, < Sheriqy Türkistan Informatsiyon Merkizi > diki barliq xadimlargha wakaliten weten ichi we sirtidiki Sherqiy Türkistanliq qérindashlirimizning mubarek Ramazan éyini yürektin qutluqlaymen, shundaqla janabi allahtin yurtdashlirimizgha salametlik, xatirjemlik we bexit – sa’adet tileymen!

Eziz yurtdashlar, mana bügün dunya musulmanliri islamda 12 ayning sultani hésaplanghan muqeddes ramazan eyini ibadet, xasawet we janabi allahqa bolghan cheksiz seghinish tuyghusi bilen tamamlap, mubarek ramazan bayrimini bextiyarliq ichide qutluqlawatidu!

Epsuski, bügünkidek mushundaq uluq ay, uluq künlerde, Sherqiy Türkistan mosulmanliri Dunya mosulmanlirining bu ten – tenisige ortaq bolalmay, muqeddes Islamiyetning esheddi düshmini hisaplanghan kommunist Xitay hakimiyitining zulum, besim we dinsizlashturush siyasiti astida gheshlik we azap – oqubet ichide yashasha mejbur bolmaqta.

Sherqiy Türkistan xelqi Xitay mustemlikisige duchar bolghandin buyan, özlirining mosulmanliq mejburiyetlirini hech bir zaman xatirjemlik we köngül azadiliki ichide ada qilalighiniyoq, eksiche ularning diniy mewjutliqi bügün tarixta misli körülüp baqmighan derijide éghir tehditke duch kelmekte !

Tarixiy riyalliqlar shuni ispatlidiki, bir milletning milliy we diniy mewjutliqining saqlinip qélinishi, shu milletning mustemlikichiliktin xali halda hör we erkin yashash mohitigha érishishi bilen zich munasiwelik. Tajawuzchilarning boyunturuqidin qurtulmay turup, bexit – sa’adetke érishishimiz, mosulmanliq mejburiyetlirimizni muqeddes islamning shertliri boyiche toluq ada qilalishimiz esla mumkin emes, shunga Xitay zalimlirigha qarshi küresh qilish we küresh arqiliq milliy musteqilliqimizni eslige keltürüsh bolsa bügünki künde biz Sherqiy Türkistan mosulmanliri üchün eng chong ibadettin ibaret we mejburiyettin ibaret!

Ishinimizki, her zaman bizdek mezlum milletlerning medetkari we qutqazghuchisi bolup kelgen janabi allah, Sherqiy Türkistan mosulmanlirigha qilmighan eskilikliri qalmighan yawuz, wehshi we qanxor Xitay mustemlikichilirining haman bir küni tegishlik jajisini béridu, Sherqiy Türkistan mosulmanlirimu haman bir küni erkin dunya mosulmanliri qataridin orun élip, héyt – bayramlirini xatirjemlik we shatliq ichide qutluqlash imkaniyitige érishidu !

Abdujélil Qaraqash

< Sherqiy Türkistan Informatsiyon Merkizi > ning reyisi