Xitay, 2020 – Yiligha Barghanda Sherqiy Türkistanni Eng Chong Néfit – Tebiygaz Bazisigha Aylandurmaqchi

< Xinjiang axbarat tori > ning 10 – ayning 07 – küni xewer qilishiche, yéqinda Xitay bash ministirliki teripidin chüshürülgen 32 – nomurluq höjjette, 2020 – yiligha barghanda Sherqiy Türkistanni Xitayning eng chong Néfit we Tebiygaz ishlepchiqirish bazisigha aylandurush qarar qilinghan.

Sherqiy Türkistanning Néfit zapisi, pütün Xitaydiki Néfit zapisining 3 ten 1 qismini teshkil qilidu.

2006 – yili Sherqiy Türkistandiki Néfit ishlepchiqirish miqdari 24 milyon tonnidin köpirekke, Tebiygaz ishlepchiqirish miqdari bolsa 16 milyart 400 milyon kup métirgha yetküzülgen bolup, Néfit ishlepchiqirish jehette Xitay boyiche 3 – orunda, Tebiygaz ishlepchiqirishta bolsa 1 – orunda turghan.

Xitay bash ministirlikining qararidin kéyin, Xitayning Néfit shirketliri Tarim, Jungghar we Turpan – Qomul oymanliqliridiki qidirip tekshürüsh we ishlepchiqirish pa’aliyetlirini tézlitishke bashlighan.