Sherqiy Türkistandin Xewer Uchurlar

1) Kucharda Tepilghan Qedimiy Qewridin Bibaha Eserler Chiqti

(Yuqarqi sürette: Kuchardiki qebridin qéziwélinghan bir qisim asare ? etiqiler )

< Tianshan torining xewer qilishiche, buyil 8 ?ayning 17 ?we 22 ?künliri Kuchar nahiye merkizide bayqalghan qedimiy qewristanliqning qurulmisi web u qewrilerde saqlanghan buyumlar, Xitay arxilogliri we tarixchilirini heyran qaldurghan.

Ikki orunda tepilghan bu qebrilerning ariliqi 50 métir etrapida bolup, qewriler, miladi 3 ?esirning otturliri we 4 ?esirge ayit qebriler iken.

Yuqarqi qebriler we qebridiki asare ?etiqiler intayin mukemmel saqlinip qalghan bolup, qebrining qurulmisimu hazirgha qeder Xitay boyiche bayqalghan qedimiy qebrilerning qurulmisi we sheklidin özgiche uslopta yasalghan.

Buyil 7 ?ayda Kuchar nahiyélik hökümet, nahiye merkizide bir yer asti soda baziri qurushni pilanlap ish bashlighan, 8 ?ayning 18 ?küni qurulush etriti meshghulat élip beriwétip, shu jayda bir qedimiy qebrini bayqighan idi. Qewre bayqalghandin keyin, hökümet tarmaqliri qurulushni waqitliq toxtutush heqqide qarar alghan.

2) Xitay Bash Ministirlikining Sheqiy Türkistan Heqqide Chaqirghan Yighinining Asasi Mezmoni

< Tianshan tori > ning xewiride körsütülishiche, buyil 9 ?ayning 12 ?küni Xitay bash ministirliki Beijingda Sherqiy Türkistan mesilisi heqqide mexsus yighin chaqirghan bolup, yighinda, bundin keyin Sherqiy Türkistanda yolgha qoyulidighan stiratigiyélik pilan ?tedbirler muzakire qilinghan.

Xitay ministirlar kabentining dayimi hey’et ezalirining qatnishishida chaqirilghan bu qétimqi yighinda, Sherqiy Türkistanning nefit, tebiygaz, kömür ?qatarliq kan mehsulatlirini échish qedimini yenimu tézlitish, iqtisadi jehette Ottura Asiyagha yenimu keng dayiride échilishni qolgha keltürüsh, shundaqla Sherqiy Türkistanning muqimliqini qoghdash qatarliq mesililer muzakire qilinghan.

Yighinda, < Xinjiang bolsa, döwlitimizning tereqqiyati we amanliqi üchün intayin mohim stiratigiyélik ehmiyetke ige, shundaqla Xinjiang bizning énirgiye jehettiki mohim stiratigiyélik bazimiz, shnga Xinjiangning muqimliqi döwlitimiz üchün zor ehmiyetke ige > dep körsütülgen

3) Sherqiy Türkistanda Arqa ?Arqidin Göshtin we Bashqa Yimekliklerdin Zeherlinish Hadisiliri Yüzbermekte

< Xinjiang géziti > ning xewiride körsütülishiche, yéqinqi mezgillerdin buyan Sherqiy Türkistanning herqaysi jaylirida göshtin we bashqa yimekliklerdin zeherlinish weqeliri yüzbergechke, 9 ?ayning 10 ?küni < Aptonom > rayondiki munasiwetlik tarmaqlar pütün jaylargha, zeherlik göshtin ehtiyat qilish heqqide uxturush chiqirishqa mejbur bolghan.

Hazirgha qeder göshtin we yimekliktin 17 kishi zeherlengen bolup, bularning ikki nepiri ölgen.
Zeherlik yimeklikler asasen pishshiq gösh, gösh konsirwasi we herxil dufular bolup, bularning hemmisi digüdek Xitaylar teripidin hazirlap bazargha sélinghan mehsulatlardin ibaret.

4) Ürümqide Pul Sodisi Qilidighan Ikki Neper Kishi Bulangchilarning Qoralliq Hujumigha Uchrighan

< Xinjiang axbarat tori > ning xewer qilishiche, 9 ?ayning 14 ?küni chüshtin keyin sa’et 18 din 40 minut ötkende, Ürümqi sheher merkizide dollar sodisi qilidighan ikki kishi öyige kétiwatqanda, tuyuqsiz ikki neper bulangchining qoralliq hujumigha uchrap, bir nepiri neq meydanda oq tégip ölgen, yene biri éghir yarilanghan, bulangchilar köp miqdardiki neqpulni élip qechip ketken.

Ürümqi Saqchi idarisi, bulangchilarni pash qilghuchilarni 100 ming yuan bilen mukapatlaydighanliqi heqqide uxturush chiqarghan.

Yuqarqi xewerde, küp ?kündüzde adem bulighan qaraqchilarning we bulanggha uchrighuchilarning milliy terkibi heqqide izahat berilmigen.

5) Awustiriyede 3 Neper Teror Gumandari Qolgha Élindi

< Germaniye dolqunliri > radiosining xewer qilishiche, charshenbe küni Awustiriyede 3 neper teror gumandari qolgha élinghan bolup, bularning ikki nepiri er, bir nepiri ayal iken we yashliri 20 ?26 etrapida iken.

Yuqarqi xewerde körsütülishiche, bu 3 neper shexis erep döwletliridin kélip yerleshken 2 ?ewlat köchmenler bolup, hazir hemmisila Awustiriye gerejdani iken.

Bu teror gumandarliri, < 11 ?sintebir > weqesidin buyan, el ?qayide teshkilatining téroristik teshwiqatini yürgüzüp kelgen internet tor betliri bilen yéqin alaqe qilip kelgen bolup, il giri ular Afghanistan we Pelestindiki téror lagirlirida telim ?terbiye alghan.

Gerche bu 3 neper shexis Austiriyege binaste tehdit élip kelmigen bolsimu, emma özliri qurghan internet tor bétide, Germaniye we Austiriyege tehdit qilinghan wido filmini élan qilghan bolup, filmde, yüzini étiwalghan bir shexis, eger Germaniye bilen Austiriye Afghanistanda Amerikigha yardem qilishni dawamlashturghan teqdirde, éghir aqiwetke qalidighanliqini agahlandurghan.

Emiliyette bolsa Austiriyening Afghanistanda aranla 5 neper espiri bar. Bezi siyasi küzetküchiler, Austiriyede yüzbergen bu qétimqi weqening, bu döwlette qanun yol qoyghan dayire ichide normal pa’aliyet élip beriwatqan mosulman teshkilatlargha selbi tesir élip kélidighanliqini, yerlik xelq ichidimu Ausntiriyede yashawatqan mosulmanlargha bolghan naraziliq tuyghulirining küchüyishige sewepchi bolidighanliqini ilgiri sürüshmekte.