Germaniye Shirkitining Bingtuan Bilen Soda Kelishimi Imzalighanliqi, Germaniyediki Uyghur Teshkilatlirining Naraziliqini Qozghidi

Buyil 9 – ayning 1 – künidin, 5 – künigiche chaqirilghan < Ürümqi xelqara soda yermenkisi > jeryanida, Germaniyening < ROHLL soda gurohi > ning Sherqiy Türkistandiki Bingtuan bilen yuquri miqdarda soda toxtimi imzalighanliqi, Germaniyede pa’aliyet élip beriwatqan Uyghur teshkilatlirining küchlük naraziliqini qoghdidi.

Germaniyening München shehride pa’aliyet élip bériwatqan < Sherqiy Türkstan Informatsiyon Merkizi > ning reyisi Abdujélil Qaraqash ependi bu heqte toxtulup, < Bingtuan bolsa, Sherqiy Türkistan xelqighe pütmes – tügimes balayi – epetlerni élip kelgen bir jallat qoshun, Xitay merkizi hakimiyiti, Uyghur xelqighe qaratqan iqtisadi jehettin talan – taraj qilish, qanliq basturush, Xitaylashturup yoqutush qatarliq siyasetlirining hemmisini Bingtuanning wastisi bilen ijra qilip kéliwatidu, Sherqiy Türkistandiki Bingtuan hergizmu Xitay hakimiyiti teshwiq qilghinidek qandaqtur “ ishlepchiqirish qoshuni „ emes, belki yerlik xelqni basturush we ottura asiyagha kengeymichilik qilish wezipisini öz üstige alghan herbiy qoshun, Shunga, dunyaning eng démokratik döwliti hésaplanghan Germaniyediki Karxanilarning Bingtuan bilen biwaste iqtisadi alaqe qilishi, démokratik pirinsiplargha we soda exlaqigha xilap bir qilmish > dep körsetti.

Abdujélil Qaraqash ependi, Bingtuanning Sherqiy Türkistan xelqighe séliwatqan zulumliri heqqide systimiliq melumat hazirlap chiqip, buni Germaniyediki munasiwetlik organlargha yollap béridighanliqini bildürdi.

< Tianshan tori > ning xewer qilishiche, 9 – ayning 1 – küni, yeni, < Ürümqi xelqara soda yermenkisi > ning tunji künila Binguan karxaniliri, Rusiye we Germaniyening < ROHLL soda gurohi > bilen 100 milyon 40 ming dollarliq soda toxtimi tüzgen.