"Her Bir Kompartiye Ezasi Bir Bayraq Bolishi Kérek" 'ge Reddiye

Abdureshid Haji Kérimi

Atalmish Shinjiang Radio istansiyisining bergen bir xewiride, her bir kompartiye ezasi bir bayraq bolishi kérek dégen timida maqala ilan qildi.

Tengri Tagh torining körsütülisiche 60 munewwer partiye ezasi aptunom rayunning asasi qatlam partiye ezaliri ichide meydan'gha kélgen munewwer partiye ezaliri iken. Bu partiye ezaliri Sherqiy Türkistandiki bir milyun 170 ming partiye ezalerning wekili iken. Bular étiqada küchluq, partiyege sadiq, bir niyet bir mexsette xelq üchün ishleydiken, qéni biz bu partiye ezalirining étiqadining qet'ilikini eslep öteyli.

Uyghurlar 11 - esirdin bashlap Sultan Sutuq Bughraxan'ning zamanisidin bashlap islam dinini qobul qılghan Islam dinigha ihtiqad qilidighan bir millet eyni waqitta Islam dini dölet dini bolghan. Kommunisttik partiyige ihtiqad qildi dégenlik dindin chiqqanliq. Kommunistlarning qarishiche din kishilerni zeherleydighan epyün, kommunistlar bilen Islam dini bri birige qarimu qarshi, chiqiship bolalmaydighan ikki xil küch. Muresse qilip bolghini bolmaydighan ikki xil ziddiyet. Xitay kommunistliri Sherqiy Türkistanni bisiwalghan 57 yildin biriqi köresh Islam bilen kommunistlar ottursidiki bir birige zit bolghan murekkep köresh ziddiyetni béshidin köchürüp keldi. Bu köresh bir minutmu boshashqini yoq we dawamlishiwatidu we dawamlishidu.

Xitay kommunistlirining ichki qismigha qaraydighan bolsaq yiqinqi bir nechche yildin buyan ta hazirghiche 25 milyun adem Xitay kommunisttik partiyisidin chékinip chiqip ketti. Xitay kommunistlirining tarix sehnisidin chüshidighan waqti yéqinlashti, bu qitim échilmaqchi bolghan Xitay kommunistlirining 17 – nöwetliq qurultiyi chak chékidin bösülüsh halitige kilidighan bir qurultay bolghusi. Mundaq bir peytte wetinimiz Sherqiy Türkistandiki Uyghur qérindashlirimizning dindin chéqip eqildin ézip xata yolgha mingiwatqanliqi weten sértidiki her bir Uyghur wetenperwerlerni chungqur oygha salidu.

Her bir Uyghur özini musulman deydiken, aldi bilen men dinim üchün nimilerni qildim we qilalidim? dep Islami tarazida özini misqallap béqishi kérek!

Men özemni Uyghur deydikenmen! Millitim üchün nimilerni qildim we qilalidim? dep millet tarazisida özini misqallap biqishi kérek?

Men özemni Sherqiy Türkistanliq deydikenmen! Weten üchün nime ishlarni qildim we qilalidim? Dep weten tarazisisda özini misqallap biqishi kérek!

Wetendiki ashu 60 neper Xitay kommunistlirining sadiq ghalchiliri bolup saylan'ghan kommunistlar ! Men silerge shuni éytip qoyay!

Siler yarliwidin at tizgininglarni tartinglar! Basqan qediminglerning xata ikenlikni tézdin tonup yitingler! Xitaylar üchün ishleshning özi Alla aldida we millet, xelq aldida eng éghir guna! Yaratqan Allah'ni herwaqit yadinglardin chiqarmanglar!

http://uygur.xjts.cn/bak/special/content/2007-07/05/content_14025.htm.