Yéqindin Buyan Pakistanda Xitaygha Bolghan Quralliq Qarshiliq Künséri Ashmaqta

Serdar xewer qilidu

Yéqindin buyan Pakistanda, Xitaygha qarshi quralliq kuchlar arqa arqidin partlitish we özini qoshup partlitip zerbe birish herkitini élip birip Xitay dairlirini saramsémgha chüshürüp qoyghan.
Bügünki b b s ning bir xewiridin qarighanda, Pakistanda qurulush ishliri bilen shughulluniwatqan Xitay qurulush etritining bir mashina kaloni Pakistanning jenubidiki sheher xaligha kelgende quralliq kuchlarning ushtumtut wujumigha uchrap 26 adem ölgen. Epsus ölgenler Xitay puxraliri emes iken. Xali shehri karachigha 36 kilométir kilidighan bir sheher iken.

Pakistan saqchi emeldarlirining körsitishiche bu qétimqi partlitish Xitay qurulush xadimlirini nishan'gha alghan bolup epsus Xitay xadimliri bu qitimqi zerbe nishanidin xali qalghan dep körsetti. Saqchi terep emeldarlirining éytishiche belujistab ölkisidiki qurulush ishliri bilen shughulunuwatqan Xitay xadimliri yerlik milletchi quralliq kuchlarning zerbe birish nishanigha ayliniwatidu.belkim bu xildiki quralliq wujum qilish herketliri yene sadir bolishi mumkin .
Undin bashqa yene gherbi shimaldiki bir sheherdimu özini qoshup partlitish zerbisidin Xitay téxnik xadimlirini qoghdashqa mes'ul bolghan saqchi mektep oqughuchiliridin 7 saqchi ölüp 20 din artuq adem yaralan'ghan iken.

Bu xildiki özini qoshup partlitish, saqchilargha wujum qilish, Xitay puxralirigha zerbe bérish herkitining tüp sewebi yenila qizil mesjid mesilisi bilen zich alaqedar iken.

Hökümet armiyisining ilip barghan wujumliri , Afghanistan chégra boyliridiki talibanlargha hésdashliq qiliwatqan quralliq küchlerning ulghuyishigha seweb bolghandin sért ularning öz'ara maqullighan bir yürüsh shertnamilirining buzulishinimu keltürüp chiqarghan.

Afghanistan chégrsidiki yene bir urushta Pakistanning 17 neper hökümet armiye jengchisi öktichi quralliq kuchlarning wujumigha uchrap hayatidin ayrilghan.

Pakistan armiyisi qizil mesjidtikilerge wujum qozghighandin kéyin 100 lerche insanning ölüshige sewebchi bolghanning sértida u yerdiki yerlik xelqningmu gheziwini qozghighan hemde üzülmey öch ilish niyitini shekillendürüshke sewebchi bolghan.

Qizil mesjid Pakistanning paytexti islam'abad shehridiki katta mesjid bolup , mesjidke qarashliq ikki medrésé bar iken. Medriste nahayiti köp taliplar ders alidiken, mesjidke yiqin bir jayda Xitaylar masajxana namidiki yingne bilen dawalash ponkiti qurghan iken. Masajxanigha herküni nahayiti köp Pakistanliqlar kirip chéqip turidiken. Qizil mesjidde oquwatqan taliplar masajxanidiki nashayin ishlarni sezgendin kéyin medrés xatiplirigha tekrar oqturup islam döliti bolghan Pakistanda bu xildiki ishlarning islam dinigha zit ikenlikini inkas qilishidiken, hemde Xitay masajxanisigha birip ularning islam dinigha zit bolghan ayallarning erlerni masaj qilishining toghra emeslikini tekrar éytqan we melum küni masaj nami bilen pahshe ishlirinimu bille qiliwatqanliqi taliplar teripidin sézilip 6 neper Xitay jalipi bilen bir neper Xitay erkek tutqun qilin'ghan. Tutqun qilin'ghanlarni qizil meschidtige tapshurup bergen. Munasiwetlik orunlarning otturgha chüshüshi bilen Xitay we Pakistan déplomatiye munasiwitini nezerge élip ularni qoyup bergen. Xitay hökümet dairlirining Pakistan'gha qilghan siyasi bésimi bilen tutqun qilghan taliplarni jazalap bérish mexsitide hökümet xadimliri mesjidge bérip taliplarni tutup jazalimaqchi bolghan. Shu sewebtin Pakistan armiyisi bilen mesjid talipliri arisida urush bashlan'ghan. Gerche bu urush axirlashqan bolsimu emma öch ilish herkiti hazirghiche dawamlishiwétiptu.