Xitay – Germaniye Bilim Hoqoqi Qanuni Boyiche Terbiyilesh Kursi Sherqiy Türkistandiki Bingtuande Bashlandi

< Bingtuan géziti > ning 6 – ayning 8 – küni xewer qilishiche, yéqinda, 4 – nöwetlik Xitay – Germaniye bilim hoqoqi qanuni terbiyilesh kursi Sherqiy Türkistandiki Bingtuande bashlanghan bolup, bu kurusqa, < aptonom rayon > we Bingtuanning bilim hoqoqini qoghdashqa mesul xadimliri qatnashturulghan.

Bu qétimqi kursni, Xitay döwletlik bilim hohoqini qoghdash ishxanisi bilenn, Germaniye texnika hemkarliq shirkiti birlikte teshkilligen bolup, kurs jeryanida germaniye we Xitayning qanun mutexesisliri kursantlargha, bilim hoqoqini qoghdash jehette xelqara duch kéliwatqan weziyet we bilim hohoqi qanunijehettiki tipik dilolar heqqide leksiye bergen.

Xitay bilen Germaniye otturisidiki bilim hoqoqi qanuni boyiche hemkarliq Germaniyening teshebbusi bilen 2006 – yili bashlanghan.

Keyinki yillardin buyan Yawropa we Germaniye metbu’atlirida, Xitayning bilim we patent hoqoqini depsende qilip, Yawropa elliride téxnika oghrilawatqanliqi we Yawropa mallirini teqlit qilip saxte towar ishlepchiqirip, Yawropadiki, jümlidin Germaniyediki köpligen karxanilarni ziyangha uchritiwatqanliqi heqqide arqa – arqidin xewerler élan qilinip kelmekte.
Hetta Germaniye bixeterlik tarmaqlirimu yéqinda Germaniye karxanilirini Xitay jasuslirining téxnika oghrilishidin agah bolushqa chaqirghan idi.

Emma yuqarqi kursnung nime üchün Bingtuande ötküzülgenlikige dayir éniq izahat berilmigen. .