Ürümqide Ottura – Bashlanghuch Mektep Ashxaniliridiki Yimek Jabduqlirining Pakizliq Nisbiti aran 4 pirsent

Uzun yillardin buyan Ürümqidiki ali we ottura – bashlanghuch mekteplerde, shundaqla yesli we balilar baghchilirida oqughuchi we ösmürlerning yimekliktin zeherlinish hadisiliri pat – apt körülüp turmaqta, bu jeryanda yimekliktin zeherlinip ölgen yash – ösmürlermu az emes, bunung sewebi, her derijilik mekteplerning ashxanilirining taziliqining derijidin tashqiri nachar bolushidin ibaret.

Mesilen, < tianshan tori > ning 6 – ayning 1 – küni xewer qilishiche, nöwette Ürümqi shehridiki 71 ottura – bashlanghuch mekteptiki oqughuchilar ashxanisi we bu mekteplerning öp – chörisidiki ashxanilarning taziliqi intayin nachar bolup, bu ashxanilar ishlitiwatqan chine – texse, choka – qoshuq … qatarliq yimeklik jabduqlirining dézinpeksiye layaqetlik nisbiti aran 4 pirsent iken, yeni, bu ashxanilardiki yimeklik jabduqlirining pakizliq nisbiti aran 4 pirsent.

Ürümqi shehrlik sehiye idarisining munasiwetlik mesullirining bildürishiche, her derijilik mekteplerning ashxanilirining hemmisi yekke tijaretchilerge kötire bérilgechke, ashxanini bashqurghuchilar peqet pul tépish bilenla bolup ketip, ashxanining taziliqi bilen perwayi pelek iken, shunga mekteplerde oqughuchilarning tamaqtin zeherlinish ehwali pat – pat körülüp turidiken. .