Shanghai Birligi Teshkilatidiki Döletler Törtinchi Nöwetlik Herbi Manwer Kengesh Yighini Yene Kimlerge Heywe Qilmaqchi ?

Rukiye Turdush

Tianshan torining mushu ayning 15- künidiki hewirige qarighanda, Shanghai birligi teshkilatidiki döletler shu kuni “qoralliq kuchlerni birleshtrup terorisimgha qarshi turush” digen bahanida otkuzilidighan herbi manwerning totinchi nowetlik kengesh yighini urumchide otkuzgen. Bu qétimqi yighingha Xitay, Russiye, Kazakstan, Kirgizstan we Özbekstan qatarliq döletler qatniship Xitay azatliq armiyisining muawin meslihetchisining riyasetchiligide “ urush strategiyiside özara menpeet yetküzüsh, barawer qatnishish, dostane meslihetlishish digen prinsipliri asasida herbi manwerning asasliq üstiqurulmisini tetqiq qilip pilan we lahiyélirini tüzüp chiqqan we tejirbe almashturushqan. Bu yighin tört kün dawam qilidiken.

Shanghai birligi teshkilatidiki döletlerning herbi birlikini uzluksiz kucheytishidiki meqsidi zadi nime? Ular zadi nimige qarshi turmaqchi? atalmish térorisim digen nerse bu döletlerde mewjutmu? Uyghur ziyaliliri bu soallarni tehlil qilip mundaq qarimaqta: “bu Shanghai birligi teshkilatidiki döletlerning özlirining diktatur hakimiyiting haman bir küni yimirilidighanlighidin tolimu endishide ikenligini, Xitay hökümitining bolsa qolida tömürning sunughi yoq Uyghur xelqige bolghan zulumni “ terorisimgha qarshi urush “ digen xelqaraliq éqimgha séliwélip basturup yoqutush, herbi küchi arqiliq ulargha heywe qilish ularni erkinlik üchün meggu éghiz achalmas qiliwétish mehsididla bolup qalmay belki qit’i dairiside herbi hemkarliq küchini kücheytip Amerika bilen Yaponiyege tehdid salmaqchi boliwatqanlighini körsitidu-

Emma , Xitayning bu xil tehdidliri Uyghur xelqige qorqunuch élip kélishtin köre intayin külkilik tuyulmaqta,Urumchi shehiride turushluq bir Uyghur yash telephone ziyaritimizni qobul qilip, bu heqte yumurluq qilip mundaq bir éghiz söz qildi: “oghrining yürigi pok- pok” digenni anglimighanmu? Jinayiti chékidin ashqanlar bekrek ghaljirlishidu.”