|
18 – Mart Küni 1800 Xitay Ishlesh Üchün Poyez Bilen Sherqiy Türkistangha
Yetip Keldi
Xitay hakimiyiti bir tereptin, < éshincha emgek küchlirini ichkiri ölkilerge
berip ishleshke seperwer qilish > digen siyasi sho’arni otturigha chiqirip,
Uyghur yashlirini, bolupmu Uyghur dehqan qizlirini türküm – türkümlep
mejburi halda Xitayning ichkiri ölkilirige iwetse, yene bir tereptin
Xitayning herqaysi ölkiliride teshwiqat ponkitlirini qurup, < Xinjiang
yaxshi jay, sizlerni qizghin qarshi alidu > dep teshwiq qilip, her küni
minglap Xitay aqqunini Sherqiy Türkistangha yötkep kelmekte.
Buyil 3 – ayning 18 – küni Qeshqer wilayitidin élip kelingen 160 neper
Uyghur, Qirghiz we Tajik qizi, Ürümqidin poyez bilen Xitayning Tian Jin
shehrige malayliqqa yolgha selinghan idi.
Qiziq yéri, dek shu küni liq bir poyez Xitay aqquni ishlesh üchün poyez
bilen Ürümqige yetip kelgen.
< Ürünqi kechlik geziti > ning 3 – ayning 20 – küni xewer qilishiche, 3 –
ayning 18 – küni sa’et 12 de, Chung Qing shehrining Shi Long Zhen yezisidiki
1800 din artuq Xitay ishlesh üchün poyez bilen Ürümqige yetip kelgen.
Yuqarqi xewerde körsütülishiche, bu yeziliq Xitaylarning hemmisi < téxnik
ishqi > mish we ular Sherqiy türkistanning herqaysi rayonlirigha tarqilip
ishleydiken.
Emiliyette bolsa nöwette Xitayning ichki ölkilirige qara ishchiliqqa
iwetiliwatqan Uyghur qizliriningmu hemmisi digüdek türlük hünerlerge pishqan
qoli gül qizlar bolup, mesilen Hotenlik qizlarning 90 pirsentidin köpireki
gilem toqushni, etles toqushni, pilidin yip chiqirishni bilidu. Bashqa
yurtluq Uyghur qizlirimu tiküchilik, toqumuchiliq we keshtichilik ishlirigha
puxta bolup, téxnika sewiyesi jehette Xitay dehqanliridin nechche hesse
üstün turidu.
|
