|
Sherqiy Türkistanda Zeherlik Chékimlik Mesilisi Éghir
< Ürümchi kechlik géziti > ning 3 – ayning 15 – künidiki xewiride
körsütülishiche, < aptonom rayon > ning mu’awin reyisi Küresh Mehsut, undin
bir kün burun Ürümqide chaqirilghan < aptonom rayonluq zeherlik
chekimliklerni cheklesh yighini > da qilghan sözide, < gerche Xinjiangda
zeherlik chekimlikke qarshi turush jehette melum netijiler qolgha
keltürülgen bolsimu, emma Xinjiangda zeherlik chekimlik mesilisi nahayiti
éghir > dep körsetken.
Bu qétimqi yighindin melum bolushiche, 2004 – yilidin 2006 – yilighiche
Sherqiy Türkistan boyiche 4846 qétimliq zeherlik chekimlik dilosi bir terep
qilinip, 4373 kishi qolgha élinghan, 33 ming 985 giram eroyin, 1 milyon 285
ming giramdin artuq neshe, 21 ming 615 dane zeherlik chékimlik tabliti, 33
ming 445 giram epyun qolgha chüshürülgen.
Wetendin kengen inkaslardin qarighanda, Xitay hakimiyiti, Uyghur yashliri
ichide kündin – künge ulghuyup kétiwatqan zeherlik chekimlik chekis
mesilisige qarita bir közini yumuwélish taktikisini qollanghan bolup, aldini
élish we dawalash tedbirlirini qollanmay, zeherlengen Uyghur yashlirini öz
haligha tashlap qoyghan.
Bezi gheyri resmi statiskilargha asaslanghanda, nöwette Sherqiy Türkistanda
her küni texminen 10 – 20 neper Uyghur yash zeherlik chekimliktin ölidiken.
|
