|
Germaniye Metbu’atlirida Rabiye Qadir Xanimning Buyilliq Nobel Ténichliq
Mukapatining Eng Küchlük Namzatlirining Biri Ikenliki Bayan Qilindi
< Germaniye Dolqunliri > radiosining 2 – ayning 27 – künidiki xewiride, <
Dunya Uyghur Qurultiyi > ning reyisi, shundaqla Uyghurlarning meniwiy anisi
Rabiye Qadir xanimning 2007 – yilliq Nobel ténichliq mukapatining eng
küchlük namzatlirining biri ikenliki we unung mukapatqa érishish
éhtimalining yuquri ikenliki bayan qilindi.
Mezkur xewerde körsütülishiche, 2 – ayning 26 – küni Nobel ténichliq
mukapati komutetining bash katibi Norwigiyede axbarat elan qilip, 2007 –
yili 181 shexis we teshkilatning Nobel ténichliq mukapati namzatliri
tizimlikige kirgüzülgenlikini bildürgen.
Gerche bu tizimliktiki shexislerning isimliri ashkarilanmighan bolsimu, emma
< Germaniye Dolqunliri > radiosi, buyilqi 181 namzatning ichide eng küchlük
we mukapatqa érishish ehtimali eng yuquri bolghanlarning töwendiki 3
shexiske merkezleshkenlikini, ularning bolsa Rabiye Xanim, Amérikining sabiq
mu’awin pirezidenti Al . Gori we Fenlandiyening sabiq pirezidenti Ahadi .
Salilardin ibaret ikenlikini bildürdi.
Yuqarqi xewerde Rabiye Qadir xanim heqqide izahat bérilip, < nöwette
Amérikida musapir bolup turiwatqan Rabiye Qadir xanim Bei Jing hökümiti
teripidin “ Bölgünchi unsur „ dep atilidu we ilgiri türmide yatqan, u, ötken
yilimu Nobel ténichliq mukapatigha namzat qilip körsütülgen > dep bayan
qilindi.
Bash shitabi Germaniyening München shehridiki < Sherqiy Türkistan
Informatsiyon Merkizi > ning pirezidenti Abdujélil Qaraqash ependi bu
heqtiki qarashlirini bildürüp, Germaniye metbu’atlirida Rabiye xanimning
Nobel tenichliq mukapatining eng küchlük namzatlirining biri qilip
körsütülgenlikidin nahayiti söyüngenliki izhar qilish bilen birge,
Chetellerde pa’aliyet élip bériwatqan Uyghur teshkilatlirining buyil asasi
zehnini we küchini bu mesilige merkezleshtürüp, Rabiye xanim heqqide
sestimiliq teshwiqat élip bérishi lazimliqini tekitlidi.
|
