Tibet Sergerdan Hökümiti, Xitay Hökümiti Teripidin Berlinda Ötküzüliwatqan < Tibet Mediniyiti Körgezmisi > ge Naraziliq Bildürdi

<Xitay hökümiti teripidin tertiplengen Tibet mediniyiti körgezmisi bügün (24.02.2007) Germaniyening paytexti Berlindiki Asiya sen’et muziysida resmiy bashlandi. Bu qétimqi körgezmige, miladi 5 – esirdin buyanqi Tibetning türlük tarixiy dewirlirige ayit 142 parche mediniyet esiri qoyulghan bolup, bularning ichide, Xitay merki hökümiti teripidin Tibet yerlik hökümitidiki emeldarlargha berilgen memuri tamghilarmu bar.

Yuqarqi eserlerning köpünchisi Xitay hökümiti teripidin Tibettiki Muziy we Butxanilardin yötkep kelingen bolup, ularning ichidiki xeli köp eserlerning tunji qetim chetelge élip chiqilishi hisaplinidiken.

Chetellerde pa’aliyet elip beriwatqan Tibet sergerdan hökümiti bu qetimqi körgezmige naraziliq bildürgen.

Dalay lamaning alahide elchisi bu heqte toxtulup, < bu qetimqi körgezmide 1949 – yilidin kéyinki Tibetning weziyiti, kommmunist hakimiyetning Tibetliklerge qaratqan qattiq basturush siyasetliri namayen qilinmighan, Xitay hakimiyitining Tibetke qaratqan bésim siyasiti özgergini yoq, emma Xitay hökümiti yéqinqi yillardin buyan chetellerde Tibet heqqide tetür teshwiqat élip bérip, xelqara jama’etchilikning közini buyimaqchi boluwatidu > dep körsetken.