Xitay Hökümitining Teshwiqat Neyringi

Xitay hökümiti Sherqiy Türkistanning jenobi rayonliridiki yéza – qishlaqlarda yashawatqan Uyghurlargha qaritilghan siyasi teshwiqatni kücheytish we ularning qelbini özlirige mayil qilish meqsidide, bundin ikki yil burun < 10 minglighan ayililerni téliwizorgha ige qilish > digen sho’arni kötürüp chiqip, Uyghurlar zich olturaqlashqan chet – yaqa jaylardiki ahalilerge heqsiz halda téliwiziye tarqitip berishke bashlighan idi.

< Xinijiang geziti > ning 2 – ayning 2 – künidiki xewiride körsütülishiche, Xitay hökümiti ikki yil ichide peqetla Xoten wilayitidiki 185 ming namrat ayilige téliwizor tarqitip bergen.
Yuqarqi xewerde, téliwizor tarqitish herikitining élip kelgen paydilirini heqqide toxtulup, < Deh’qanlar téliwizor körüsh arqiliq, balini az tépishning paydisini tonup yetti, mesilen, Qaraqash nahiyesining Saybagh yezisidikiler pilandin sirt köp bala tapqini üchün, bu yéza hökümet teripidin qara tizimlikke kirgüzülgen idi, bu yezigha téliwizor kelgen ikki yildin buyan yezida pilandin sirt bala tughush ehwali körülmidi we bu yéza nahiye boyiche pilanliq tughut nemunichisi boldi > dep bayan qilinghan.

Yuqarqi xewer, Xitay hakimiyitining Sherqiy türkistandiki barliq teshwiqat wastilirini pütünley siyasi ti meqsetliri üchün xizmet dildurup kéliwatqanliqining janliq délilidin ibaret !