Xiyanetchi Wang Le Quandin Xiyanetchilikke Qarshi Nutuq

Yéqinda xitayda chiqidighan "maliye" zhornili we intérnét tor betliride, 73 milyard 800 milyondin artuq qimmetke yaraydighan dölet igilikidiki Luning guruhining 91 % lik pay chékini ikki xususiy shirketke 3 milyard 700 milyon yüenge sétiwétish weqesi bilen, Xitayning Sherqiy Türkistandiki bash wekili Wang Le Quanning chétishliq ikenliki heqqide maqale we mulahiziler élan qilinghan idi.
Bir nechche kündin buyan ichki – tashqi metbu’atlarda Wang Lequanning hoqoq we küchige tayinip xiyanetchilik we parixorluq qiliwatqanliqigha dayir xewer – mulahiziler yer elip kelmekte.
Emma, Wang Lechuan yuqarqidek eyipleshlerdin nomus hes qilish uyaqta tursun, hökümet yighinlirida yüzini daptek qilip, törge chiqiwelip, xiyanetchilikke, parixorluqqa we cheriklikke qe’ti qarshi turush heqqide nutuq etip kelmekte.

Mesilen, < Tian shan tori > ning xewer qilishiche, Wang Lequan, 1 – ayning 25 – küni Ürümchide chaqirilghan < Aptonom rayonluq intizam tekshürüsh komutetliri yighini > da söz qilip, her derijilik rehbiri kadirlardin istil tüzütüsh qurulishigha ehmiyet berip, chiriklikke qarshi turush herikitini omomiy yüzlük qanat yaydurushni telep qilghan.

Wang Le Quan yene, parixorluq, xiyanetchilik we chiriklik qilghan emeldarlarni qilche rehim qilmay qanun boyiche qattiq jazalash kerekligini tekitligen.