Hotenlik 14 Neper Uyghur Xitay Hojayin Teripidin Zeherlep Öltürülüp Kömüwetilgen

Ismini ashkarilashni xalimighan bir Uyghurning wetendin < Sherqiy Türkistan Informatsiyon Merkizi > ge biwaste inkas qilishiche, buyil 11 – ayning 20 – nechchinchi künliri Aqsuning Shayar nahiyesige qarashliq Döngqotan yézisida olturushluq bir Xitay, özining kötire alghan terilghu yeride yallap ishletken Hotenlik 14 neper Uyghurni zeherlep öltürgendin kéyin, jesetlerni topa ittirish mashinisi bilen öyining yenigha kömüwetken.

Weqening jeryani mundaq bolghan: Shayarning Döngqotan yézisidiki bir Xitay, buyil 5 – ayning otturlirida Hotendin kelgen 14 neper Uyghurni medikaliqqa yalliwélip, ularni özining terilghu yeride kiwez otash we kiwez terish ishlirigha salghan. Bu 14 neper Uyghur shu teriqide taki 11 – ayning axirlirighiche ishligen, ular ishini tügitip qaytidighan chaghda héliqi Xitay hojayindin ish heqqini telep qilishqan, Xitay xojayin ulargha, < pulunglarni ete birey, bügün silerni mehman qilay > dep ularni tutup qalghan we shu küni ikki öchke soyup ziyapet hazirlighan, tamaqtin kéyin 14 neper Uyghur ziyapet üstidika bir – birlep yiqilip, hemmisi biraqla ölgen. Xitay hojayin ularni derhal topa ittirish mashinisi bilen öyining yenigha kömüwetken. Emma Xitay hojayinning xoshniliri bu ehwalni zesip qélip saqchigha melum qilghachqa, bu weqe ashkarilanghan.

Hazir bu qatilliq dilosi tekshürüsh basquchida bolup, inkaslargha qarighanda héliqi Xitay xojayin özi ishletken bu 14 neper Uyghurghning ish heqqini berishke közi qiymay, ularning tamiqigha zeher arilashturup ularni zeherlep öltürgen iken.

< Sherqiy Türkistan Informatsiyon Mezkizi > bu heqtiki uchurni tapshurup alghandin kéyin, bu weqening heqiyqi jeryani heqqide xetimu délil – ispatliq melumat élishqa tirishmaqta.