|
< Sherqiy Türkistan Informatsiyon Merkizi >, Germaniyening Herqaysi
Rayonlirida Doklat Bérish Pa’aliyitini Dawamlashturmaqta
Öz xewirimiz: buyil 8 – ayning bashlirida ,< Sherqiy Türkistan Informatsiyon
Merkizi > ning pirezidenti Abdujélil Qaraqash ependi Germaniyening herqaysi
rayonliridiki Türk teshkilatliri bilen alaqe ornutup, Sherqiy Türkistan
mesilisi heqqide doklat bérish purogrammisi tüzüp chiqqan we shundin buyan
Germaniyening herqaysi rayonliridiki Türk – Islam teshkilatlirini aylinip
yürüp doklat berishke bashlighan idi. Bu pa’aliyet hazirmu hem dawam
qilmaqta.
Kéyinki ikki hepte ichidila Abdujélil Qaraqash ependi yene Germaniyening
Berlin, Dortmund, Stutgart, Bedefeld, Lünen sheherlirige bérip, Sheher
merkizi we sheher etrapidiki Türk – Islam teshkilatlirining ezalirigha
Sherqiy Türkistanning nöwettiki omomiy weziyiti, Xitay hakimiyitining
Uyghurlargha qaritip kéliwatqan türlük zulum we bésim siyasetliri, Sherqiy
Türkistan milliy musteqilliq herikitining tereqqiyat ehwali, Uyghur
xelqining arzu – istekliri … qatarliq keng mezmonlarda doklat 10 qétimdin
artuq doklat bérip ötti. Bularning ichide peqet Berlinda ötküzülgen Türk
sen’et kechiliki pa’aliyitige qatnashqan kishilerning sani 1000 din artuq
bolup, Abdujélil Qaraqash ependi bu pa’aliyet jeryanida teklipke bina’en
doklat béripla qalmastin, yene Sherqiy Türkistanning weziyiti we Xitayning
Uyghurlargha séliwatqan zulumliri ekis’ettürülgen nechche ming parche
teshwiqat wariqi tarqatti.
Bu qétimqi doklat bérish kampaniyesi jeryanida Abdujélil Qaraqash ependi
özining yazma doklatigha birleshtürüp, ETIC teripidin hazirlap chiqilghan we
Sherqiy Türkistanning siyasi weziyiti ekis’ettürülgen vidio filmi hem foto –
süretlerni körsütüp ötti.
< Sherqiy Türkistan Informatsiyon Merkizi > ning yuqarqidek doklat bérish
pa’aliyiti bundin kéyinmu yene dawam qilidu.
|
