Wetenperwer Xalis Teshwiqatchi

Öz xewirimiz: bizning chetellerde elip beriliwatqan milliy herikitimiz, pidakar, wetenperwer insanlirimizning xalis yardimige we qollishigha muhtaj, eger chetellerde yashawatqan Uyghur qérindashlirimizning hemmisi weten – millet dawasigha töhpe qoshushni özlirining wijdani burchi dep tonusa, u chaghda bizning milliy kürishimizni hech qandaq küch tosup qalalmaydu !

Nöwette Germaniyening München shehride siyasi panahliq tilep turiwatqan Uyghur yigiti Kadir Salim ene shu wetenperwer yashlirimizning biri.

Kadir Salim 2005 – yilidin taki hazirgha qeder, < Sherqiy Türkistan Informatsiyon Merkizi > ning xalis teshwiqatchisi süpitide xizmet qilip kelmekte we bu jeryanda u qilghan xizmetliri üchün bir tiyinmu heq telep qilghan emes.

Kadir Salim her küni ishtin sirtqi waqitliridin paydilinip, < Sherqiy Türkistan informatsiyon Merkizi > teripidin hazirlanghan we Xitay hakimiyitining Uyghur xelqighe séliwatqan türlük zulumliri ekis’ettürülgen Germanch we Türk tilidiki teshwiqat waraqlirini, biroshurlarni we kichik hejimdiki doklatlarni München shehridiki olturaq rayonlirini kézip yürüp Némis we Türklerge tarqitishni izchil türde dawamlashturup kelmekte. Meyli tomuz issiq yaki qehritan soghuq bolsun, Qadir Salim özining bu xizmitini zadila üzüp qoyghan emes.