Ürümchi Tianshan Rayonluk Sot Mehkimiside 13 Neper Uyghurni Qara Jemiyet Teshkilligen Digen Betnam Bilen Uchuq Sot Qildi

Öz xewirimiz: 2006 yili 12 -ayning 2- künidin 5 - künige qeder Tianshan rayonluq sot mehkimisi uchuq sot échip , Ömer Rozi, Semet Ababekri, Obulqasim Abdurup, Ekber Nurmemet qatarliq 13 neper Uyghur tijaretchilerni uchuq sot qildi. Sot jeryanida aqlighuchilarning pikirliri we délil ispatliri héch nezerge alinmay, ular sotchilar teripidin qattiq qorqutulghachqa özlirining pikrini ipadilesh imkaniyiti bolmighan.

Sotlanghan mezkur kishiler ilgiri Ürümchidiki seymachang (at meydani) da qassapliq tijariti bilen shughullinidighanlar bolup, ular yalliwalghan kishiler Sherqiy Türkistanning jenubidin kelghan Uyghur medikarliri iken , yallanghan kishiler ular terepte turup aqlighan bolsimu , ularning délil ispatliri sot jeryanida qilche étibargha élinmighan,

Saqchilar teripidin eyipkar dep qarilip qolgha élinghan kishiler ilghiri tijaretliride yaxshilinish bolghanda daim xelqqe paydiliq bolghan orman bina qilish, mektep we yétim yésirlargha iqtisadiy yardemlerni bérip turidighan saxawetlik kishiler iken, Mesilen, ular Ürümchidiki xelqperwer ailining perzentliri bolup, Ürümchidiki altun bulaq digen jaygha köchet tikip kökertken, apet bolghan rayonlargha yardem qolini sunup turghan insanperwer kishiler iken.

Sot mehkimisi yuqurqi mehbuslargha höküm élan qilmighan, kökümni ayrim élanqilidighanliqini uqturghan.