Xitay Höküiti Buyilning Özidila < Qosh Tilliq Oqutush > ta Oquydighan Uyghur Oqughuchilarning Sanini 50 Pirsent Ashurdi

< Aqsu hökümet tori > ning 12 – ayning 5 – künidiki xewiride körsütülishiche, Xitay hakimiyiti Aqsu wilayitini < qosh tilliq oqutush > ni omomlashturushtiki mohim merkezlerning biri qilip bekitip, wilayet, nahiye we yéza derijilik Ma’arip tarmaqlirining asasi küchini bu xizmetke merkezleshtürüp, buyilning béshidin hazirgha qeder wilayet boyiche atalmish < qosh tilliq oqutush > siniplirida oquydighan yerlik oqughuchilarning sanini 50 pirsent ashurghan.

Aqsu wilayetlik ma’arip idarisining sanliq melumatlirida körsütülishiche, hazirgha qeder wilayet boyiche < qosh tilliq oqutush > siniplirining sani 1000 din eship, bu siniplarda oquwatqan yerlik oqughuchilarning omomiy sani 60 mingdin köpirekke yetken.

Uyghurlarning milliy ma’aripini Xitaylashturushni meqset qilghan atalmish < qosh tilliq oqutush, ottura mekteplerdin, bashlanghuch mekteplergiche, yeslilerdin tartip balilar baghchisighiche, sheherlerdin tartip yeza – qishlaqlarghiche omomlashturulghan.

Hazirgha qeder wilayet boyiche Xitay mekteplirige qoshuwetilgen milliy mekteplerning sani 20 din ashqan.

Chetellik siyasi küzetküchiler, Xitay hakimiyitining sherqiy türkistanda élip beriwatqan yuqarqi < qosh tilliq oqutush > siyasitini, < Uyghurlarning milliy mewjutliqi üchün eng zor we eng xeterlik tehditlerning biri > dep qarimaqta.