Ürümchi Ahalisining Ma’arip Chiqimi Yildin – Yilgha Ashmaqta

Sherqiy Türkistanda her derijilik mekteplerning, bolupmu ottura – bashlanghuch mekteplerning türlük bahane – sewepler bilen oqughuchilardin qalaymighan heq telep qilishi we séliq sélishi netijiside, oqughuchilarning ayililirining iqtisadi yüki barghansiri éship barmaqta. Nöwette bu mesile Sherqiy Türkistandiki eng jiddi ijtimayi mesililerning birige aylinip qaldi.

Mesilen, < Xinjiang iqtisat géziti > ning 12 – ayning 1 – künidiki xewiride körsütülishiche, buyil 1 – aydin 10 – ayghiche bolghan mezgil ichide, Ürümchidiki her bir ayilining ayliq ma’arip chiqimi ottura hisap bilen 54 yüandin éship, 2003 – yiligha sélishturghanda 12.09 pirsent ashqan.

Gerche Ma’arip tarmaqliri her derijilik mekteplerni oqughuchilarga qalaymighan séliq salmasliq heqqide agahlandurush bérip tursimu, emma hökümetning bu jehette éniq bir jazalash tedbiri bolmighini üchün, her qaysi jaylardiki mektepler, bolupmu nahiye, yéza we kenit derijilik ottura – bashlanghuch mekteplerning rehberliri özining bilgen senimige dessep, oqughuchilargha we ularning ayililirige séliq sélishni adetke aylanduruwalghan. .