Türkiye Bilen Xitay, Chegra Halqighan Jinayi Ishlargha Ortaq Zerbe Bérish Heqqide Kélishim Imzalighan

Türk metbu’atlirida körsütülisice, yeqinda, Türkiye ichki ishlar ministiri Abduqadir Aqsu bashchiliqidiki bir hey’et Xitayni ziyaret qilghanda, Türkiye ichki ishlar ministirliki bilen Xitay jama’et xewipsizlik ministirliki otturisida chegra halqighan jinayi ishlargha ortaq zerbe bérish heqqide kélishim imzalanghan.

Xitay jama’et xewipsizlik ministiri hou Yongkang Beijingda Abduqadir Aqsu bilen körüshkende, Türkiye bilen Xitay otturisida bixeterlik jehettiki hemkarliqning kücheygenlikini, atalmish < Uyghur bölgünchiler > ning Türkiye tupraqliridin paydilinip Xitayni parchilash heriketlirige Türkiye hökümitining yol qoymighanliqini maxtap kökke kötergen we bundin keyin ikki döwlet otturisidiki < térorizim > gha qarshi turush jehettiki hemkarliqni üzlüksiz kücheytishni xalaydighanliqini bildürgen.

Chetellerdiki, bolupmu Türkiyediki Uyghur teshkilatliri, keyinki yillardin buyan Türkiyening Xitaydin iqtisadi jehettin nep élish meqsidide, Xitayning Sherqiy Türkistan xelqighe yürgüzüp kéliwatqan zulum we bésim siyasitige köz yumup kéliwatqanliqini qattiq eyiplep kelmekte.

Türkiye hökümiti bilen Xitay otturisida küchiyiwatqan yuqarqidek hemkarliqlar, Türkiyediki Milletchi partiye – Gurohlarning we türlük ammiwiy teshkilatlarning naraziliqini qozghap kelmekte.