Xitay Hakimiyiti Sherqiy Türkistanning Yezilirida < Pilanliq > Perzent Körgen Ayililerni Mukapatlash Tüzümini Omomlashturushqa Hazirlanmaqta

Atalmish < pilanliq tughut > siyasitini ijra qilishta intayin qebih jazalash usollirini qollunupmu yene közligen meqsidige yetelmigen Xitay hakimiyiti, Xitay boyiche sinaq teriqiside yolgha qoyup kéliwatqan < az perzent körgenlerni mukapatlash tüzümi > ni Sherqiy Türkistanning yéza – qishlaqlirida omomlashturush we bu arqiliq Uyghurlarning noposining köpüyüp ketishining aldini élishqa hazirlanmaqta.

Xitayning hazirqi qanuni boyiche, Sherqiy Türkistandiki yerlik déhqan – charwichilarning 3 perzent körüsh hoqoqi bar, emma Xitay hökümiti hech bir zaman özining bu qanunigha hörmet qilghan emes, asasi qatlamlardiki pilanliq tughut tarmaqliri, türlük cheklesh tedbirliri we belgilimiler arqiliq, déhqanlarning qanunda belgilengen 3 perzent körüsh hoqoqini cheklep kelmekte. Ular, < bir bala tughush shereplik, bir bala tughsang tez bay bolisen > digen sho’arni kötürüp chiqip, az bala tapqan yaki toy qilip xéli yillarghiche bala tapmighanlarni mukapatlash arqiliq, Uyghur déhqanlirining köp perzent körüshini tosushqa urunup kelmekte..