< Sherqiy Türkistan Informatsiyon Merkizi >, Germaniyening Rosenheim Shehride Uyghurlar Mesilisi Heqqide Ilmiy Doklat Berdi

Öz xewirimiz: ötken shenbe küni, < Sherqiy Türkistan Informatsiyon Merkizi > ning pirezidenti Abdujélil Qaraqash we Türkiyening Qeysiri shehridiki < Sherqiy Türkistan mediniyet we hemkarliq jemiyiti > ning sabiq reyisi Muhammet Emin Batur teripidin neshir qiliniwatqan < Istiqlal > gézitining Yawropadiki wakaletchisi Kamalettin Batur ependiler Germaniyening Rozenhei shehridiki Türk teshkilatlirining tekliwige asasen bu sheherge kélip, < Alparislan Türkesh ülke ochaqliri > jemiyitining rehberliri hem ezalirigha Sherqiy Türkistanning nöwettiki weziyiti we Xitayning Uyghurlargha qarita yürgüziwatqan zulum siyasetliri heqqide sestimiliq doklat berdi.

Bu qétimqi doklat bérish pa’aliyiti, Sherqiy Türkistanning weziyiti heqqide hazirlanghan vidio filmi körsütüsh, teshwiqat wariqi tarqitish, foto – süret körgezmisi ötküzüsh, Uyghurlar heqqidiki so’allargha jawap bérish … qatarliq shekillerni öz ichige aldi.