Hotende Buyil Küz Kirgendin Buyan 33 Mingdin Artuq Kishi Bashqa Yurtlargha Medikarchiliqqa Chiqqan

<Hoten hökümet tori > da xewer qilinishiche, Hotendiki her derijilik hökümet tarmaqliri, yerlik déhqanlarni bashqa yurtlargha bérip medikarchiliq qilishqa heydeshni, < namratlarni bay qilish siyasiti > qiliwalghan.

Wilayet, nahiye we yéza derijilik ittipaq komutetlirining seperwer qilishi netijiside, peqet buyil küz kirgendin buyanla Hoten tewesidiki namrat déhqanlarning perzentliridin bolup jemi 33 ming 447 neper Uyghur yash bashqa yurtlargha medikarchiliqqa chiqqan, bularning bir qismi Bingtuanning herqaysi dewiziyéliride paxta térish bilen shughllanghan bolsa, yene bir qismi chong sheherlerde yetimchi bolup türlük jismani ishlar bilen tirikchilik qilghan.

Köpchilikke melum bolghinidek, Hoten wilayiti Sherqiy Türkistan boyiche eng namrat wilayetlerning biri bolup, buyerdiki déhqanlarning yilliq kishi béshigha toghra kélidighhan sap kirimi 1000 yüangimu barmaydu.