Teklimakan Chölining Ichki Qismida Yengi Köl We Kölchekler Bayqaldi

< Tianshan tori > ning xewiride körsütülishiche, Sherqiy Türkistanning Charqiliq nahiyesi teweside, yeni, Teklimakan chöllükining gherbi qirghiqida yengi köl we kölchekler bayqalghan bolup, kölning menzirisi we mohiti kishini heyran qaldurarliq derijide güzel iken.

Charqiliq nahiyesining hakimi Yasin Abdurehimning bildürishiche, bu köller yerlik xelq teripidin yeqinda bayqalghan bolup, bularning ichidiki 10 kölge insanlar baralaydiken we bezi köllerning chongqurluqi 7 – 8 metir kélidiken.

Texi hökümetning xeritisige chüshmigen we köpünchisige adem – izatning ayiqi tegip baqmighan bu köllerning chöriside 10 nechche xil ösümlük bar bolup, kölde aqqu, yawa ghaz, yawa ödek, turna … qatarliq qushlar we etrapidiki ormanlarda tülke, bugha, böken … qatarliq köpligen yawayi haywanlar kezip yüridiken.

Hökümet tarmaqlirining deslepki mölcherige qarighanda, Teklimakan chöllikide yengidin bayqalghan buk öl we kölcheklerni orap turghan iptidayi orman kölümi 540 ming mogha yetidiken. Bu köllerning eng yeqinimu charqiliq nahiyesige 90 nechche kilometir kélidiken.

Hazirgha qeder bu köllerning etrapida insanlarning dehqanchiliq we charwichiliq bilen shughullanghanliqigha dayir hechqandaq iz bayqalmighan.