Sherqiy Türkistandiki Ali Mektepler Xitayning Ichki Ölkiliridin Oqughuchi Qobul Qilishqa Bashlidi

Köpchilikke melum bolghinidek, Sherqiy Türkistanda Toluq otturini püttürgen Uyghur yashlirining ali mekteplerge qobul qilinish nisbiti intayin töwen bolup, toluq otturini püttürgen yerlik oqughuchilarning mutleq köp qismi jemiyette qeqindi – soqundi bolup yüridu. Sherqiy Türkistanning chong sheherliridiki ishsiz uyghur yashlirining ichide toluq otturini püttürüp ali mekteplerge kirelmigenlerning sani intayin köp. Xitay hakimiyiti bu heqte izahat bergende, hazir bu rayonda mewjut bolup turghan ali mekteplerning sanining azliqini bahane qilip kelmekte we Sherqiy Türkistandiki bu ali mekteplerning eng asasliq wezipisining < azsanliq millet iqtisas igilirini terbiyilesh > ikenlikini her pursette tekitlep kelmekte. Emma Xitay hökümitining bezi qilmishliri, bu hakimiyetning asasi meqsining yerlik Xelqni nadan qaldurush ikenlikini körsütüp turmaqta.

< Xinjiang geziti > ning xewiride körsütülishiche, yeqinqi yillardin buyan Sherqiy Türkistanda mewjut bolup turiwatqan herqaysi ali mektepler Xitayning ichki ölkiliridin oqughuchi qobul qilishqa bashlighan.

mesilen, peqet < Xinjiang Uniwersititi > ning özila buyil Xitayning ichki ölkiliridin 604 neper Xitay oqughuchi qobul qilghan, undin bashqa yene < Xinjiang dehqanchiliq uniwersititi >, < Xinjiang sehiye uniwersititi >, < Xinjiang maliye uniwertititi > … qatarliq nuxtuluq uniwersititlarmu Xitayning ichki ölkiliridin oqughuchi qobul qilishqa bashlighan.