|
Sherqiy Türkistanda Yüzbergen Ot Apetlirining Köp Qismini Insanlar Keltürüp
Chiqarghan
< Ürümchi kechlik geziti > ning yéqinda bergen xewiride körsütülishiche,
buyil 1 – aydin 10 – ayghiche Sherqiy Türkistan boyiche jem’i 4020 qétim ot
apiti yüz berip, 33 kishi ölgen, 49 kishi yarilanghan, biwaste iqtisadi
ziyan 33 milyon 654 ming yüange yetken we ot apitining qétim sani ötken
yilning oxshash mezgilidikige qarighanda 4.1 pirsent ashqan.
Xitayning statiskilirida körsütülishiche, ot apetlirining mutleq köp
qismigha adem amili biwaste sewepchi bolghan bolup, ehtiyatsizliq,
qalaymighan meshghulat élip berish, tamaka chekish, pojangza oynash qatarliq
sewepler tüpeylidin kélip chiqqan ot apitining qétim sani, omomiy ot
apetlirining 80.2 pirsentini teshkil qilidiken we Ürümchi, Sanji, Atush,
Chöchek, Ili qatarliq jaylar ot apiti eng köp yüz beridighan jaylar iken.
|
