Sherqiy Türkistanda AIDS Wirusini Yuqturuwalghuchilarning Sani 60 Mingdin Éship Ketti

< Xinjiang geziti > ning 11 – ayning 30 – küni elan qilghan xewiride körsütülishiche, pütün Sherqiy Türkistan boyiche hökümet teripidin resmiy enge élinghan AIDS wirusi yuqturuwalghuchilarning sani 17 ming 209 neper bolsimu, emma reymiy mölcherdiki san 60 mingdin artuq iken we nöwette Sherqiy Türkistanda AIDS wirusining aldini élish we uni dawash hizmiti intayin qiyin we jiddi iken.

Mezkur xewerde körsürülishiche, 11 – ayning 29 – küni < aptonom rayonluq partikom > ning mu’awin sekritari Nur Bekri, < aptonom rayonluq xelq hökümiti > ning mu’awin reyisi Küresh Mehsut qatarliqlar Ürümchidiki Yuqumluq kesellikler doxturxanisigha berip, AIDS wirusi bilen yuqumlanghan balilarni ziyaret qilghan.

Bezi xewerlerde körsütülishiche, nöwette Sherqiy Türkistanda AIDS wirusi yuqturuwalghanlarning ichide anilar we balilarning nisbiti yuquri bolup, Ili rayonida hamildar bolghan her 4 ayalning biri AIDS wirusi bilen yuqumlanghan iken.