Sherqiy Türkistanning Sanji Rayonida Ghayet Zor Kömürlük Bayqaldi

< Ürümchi kechlik geziti > ning 11 – ayning 30 – küni xewer qilishiche, Sherqiy Türkistandiki Sanji oblastining sherqiy qismida, yrni Jungghar oymanliqining sherqiy qismida ghayet zor kömürlük bayqalghan bolup, buyerdiki kömürning zapas miqdari 3 milyart 650 milyon tonnigha yetidiken.

Emma, ejeplinerlik yeri shuki, bu kömürlükning bayqalghanliqi yerlik hökümet teripidin emes, belki Xitayning Shan dong olkisi giyologiyélik lahiyilesh akadimiyesi teripidin 11 – ayning 28 – küni elan qilinghan.

Yengi bayqalghan bu kömürlükning dayirisi 118 kuwadirat / kilometir bolup, qeziwélishqa bolidighan kömür qeti 9 qat iken we 1000 metir chongqurluqqiche bolghan kömür zapidi, ötken yili pütün Xitay boyiche ishlepchiqirilghan Kömür miqdarining bir yerim hessisige toghra kélidiken.

Köpchilikke melum bolghinidek, Sherqiy Türkistan Xitayning eng chong kömür ishlepchiqirish bazisi bolup, buyerde ishlepchiqilghan kömürning miqdari pütün Xitay boyiche ishlepchiqirilghan kömürning 40 pirsentidin köpirekini teshkil qilidu.

Gerche Xitay hökümiti teripidin elan qilinghan < milliy teritoriyélik aptonomiye qanuni > da, yerlik qorchaq hökümetlerning Sherqiy Türkistanning tebiy bayliqlirini echish we paydilinish hoqoqining barliqi tekitlengen bolsimu, emma 1949 – yilidin buyan Sherqiy Türkistanning Kömür bayliqi Xitay merkizi hökümiti teripidin biwaste manapol qilinip kélinmekte we ishlepchiqirilghan Kömürning hemmisi digüdek Xitaygha yötkep ketilmekte. Shunga Sherqiy Türkistanning Uyghurlar zich toplushup olturaqlashqan jenobi rayonlirigha qaraydighan bolsingiz, yeqilghu yetishmeslik mesilisi yerlik Dehqanlarning eng zor qiyinchiliqlirining biri bolup, Uyghur dehqanliri yillardin buyan otun, yantaq, pasa, qonaq shexi … qatarliqlarni yeqilghu qilip kelmekte. .