Rabiye Qadir Xanimning Oghli Alim Abdurehimning 7 yilliq Qamaq Jazasigha Höküm Qilinghanliq Xewiri Germaniye Metbu’atlirida

Öz xewirimiz: köpchilikke melum bolghinidek, Uyghur milliy herikitining rehbiri Rabiye Qadir xanim Germaniyede chaqirilghan < Dunya Uyghur Qurultiyi > ning 2 – nöwetlik wekiller yighinida Qurultay reyisi bolup saylanghan künning etisi, yeni 11 – ayning 27 – küni Xitay hakimiyiti Rabiye xanimdin siyasi öch elish meqsidide unung weten ichidiki oghli Alim Abdurehimni yoqilang töhmetler bilen 7 yilliq qamaq jazasigha höküm qilghan idi. Shundin buyan bu heqtiki xewerler herqaysi ellerning metbu’atlirida keng dayiride elan qilinip kélinmekte.

Mesilen, Germaniyening eng nopozluq axbarat wastilirining biri hisaplanghan we Döwlet qarmighidiki < Germaniye Dolqunliri > radiosidimu bu weqe heqqide xewer berildi.
Mezkur xewerde, Xitay sot mehkimilirining Ablikim Abdurehimni anisi Rabiye Qadir xanimdin öch élish meqsidide qamaq jazasigha höküm qilghanliqi tekitlinish bilen birge, Rabiye xanimning, < oghlumda guna yoq, Xitay sotlirining oghlum üstidin chiqarghan bu hökmi pütünley mendin öch élishni meqset qilidu, melum menidin alghanda Xitayning bu qilmishi, Xitay hökümitige dadilliq bilen qarshi chiqqan we heqiqetni sözligen pütün uyghurlargha qaratqan öch élish herikitidin ibaret > digen sözlirige yer berilgen. .